ԵՐԵՎԱՆ, 17 ապրիլի — Sputnik. ԱԺ-ում այս պահին պատրաստվում են 12։00-ին նախանշված նիստին, որի ընթացքում խորհրդարանը պետք է քվեարկի ՀՀ նախկին նախագահ Սերժ Սարգսյանին վարչապետ նշանակելու իշխանական կոալիցիայի առաջարկը։
Խորհրդարանի շենքը ոստիկանության զորքերի ուժեղացված հսկողության ներքո է։ ԱԺ-ի բակում ու շենքում շրջում են զինված և զրահաբաճկոններով ու սաղավարտներով անձինք։ Բակում շրջում են նաև վարժեցված շներ։
ԱԺ-ի դահլիճի բոլոր մուտքերի մոտ տեղադրված են մետաղորսիչ սարքեր։ Պատգամավորները դահլիճ մտնելու համար ստիպված կլինեն անցնել դրանց միջով։
