22:23 18 դեկտեմբերի 2018
Ուղիղ եթեր
  • USD484.70
  • GBP610.72
  • EUR549.12
  • RUB7.29
Արմեն Սարգսյան

ՀՀ նախագահն իր կարծիքն է հայտնել բողոքի ակցիաների վերաբերյալ

© Photo : press office of the Parliament of RA
Հայաստան
Ստանալ կարճ հղումը
17710

Ազգային ժողովի մեծամասնության ներկայացրած թեկնածուին ընդդիմությունը կարող է հակադրվել՝ իր քվեի միջոցով, կարծում է ՀՀ նախագահը:

ԵՐԵՎԱՆ, 17 ապրիլի — Sputnik. Հայաստանի Հանրապետության յուրաքանչյուր քաղաքացու կարծիքը կարևոր է երկրի համար, սակայն ազատ կամարտահայտության ընթացքում պետք է բացառվի բռնությունը, անօրինական գործողությունները և այլոց իրավունքների սահմանափակումը: Այս մասին «Արմենպրեսի» հարցին ի պատասխան տրված բացառիկ մեկնաբանության մեջ ասել է Հայաստանի Հանրապետության նախագահ Արմեն Սարգսյանը:

«Ըստ Սահմանադրության` Հայաստանի Հանրապետության վարչապետի թեկնածության առաջադրումը խորհրդարանական ուժերի իրավունքն է: Ազգային ժողովի մեծամասնության ներկայացրած թեկնածուին ընդդիմությունը կարող է հակադրվել՝ իր քվեի միջոցով:

Ցանկացած քաղաքական ուժի կամ քաղաքացու իրավունքն է նաև Սահմանադրությամբ իրենց վերապահված իրավունքների շրջանակում՝ լինի դա հավաքի, ցույցի ու այլ խաղաղ միջոցներով, ազատորեն արտահայտելու իրենց կարծիքը, համաձայնությունը կամ անհամաձայնությունը քաղաքական այս կամ այն իրադարձության նկատմամբ:

Ազատ խոսքի և կամարտահայտության իրավունքը ժողովրդավարության կարևորագույն արժեքներից է: Հայաստանի Հանրապետության յուրաքանչյուր քաղաքացու կարծիքը կարևոր է երկրի համար:

Միևնույն ժամանակ ազատ կամարտահայտության ընթացքում պետք է բացառվի բռնությունը, անօրինական գործողությունները և այլոց իրավունքների սահմանափակումը:

Մեր երկրի անվտանգությունը և ազգային համերաշխությունը բոլորիս համար պետք է լինեն առաջնային ու անքննելի անհրաժեշտություն:

Եվ, իհարկե, կրկին ուզում եմ ընդգծել, որ Հայաստանի յուրաքանչյուր քաղաքացու առողջությունը և կյանքը՝ ուսանողից, ցուցարարից մինչև ոստիկան, թանկ է բոլորիս համար»:

Հիշեցնենք, որ ԱԺ պատգամավոր, «Քաղաքացիական պայմանագիր» կուսակցության ղեկավար Նիկոլ Փաշինյանն ու նրա կողմնակիցները ապրիլի 13-ից փակել Երևանի Ֆրանսիայի հրապարակը և բողոքի ակցիաներ են անցկացնում քաղաքի կենտրոնական փողոցներում:

Ըստ թեմայի

Այնքան եք դատարկել պահեստայինների նստարանը,որ Սերժ Սարգսյանի իրավահաջորդը Սերժ Սարգսյանն է
Արտաքին թշնամուց ոչ պակաս կարևոր է Հայաստանում ներքին թշնամու դեմ պայքարը. Աղվան Վարդանյան
Մենք եկել ենք ասենք, որ դեմ ենք քվեարկելու Սերժ Սարգսյանի 3-րդ պաշտոնավարմանը. Մարուքյան

Գլխավոր թեմաներ