ԵՐԵՎԱՆ, 2 մայիսի — Sputnik. Լուրերն այն մասին, որ Հայաստանում հաշիվներից ու բանկոմատներից համատարած հանում են փողերը, չեն համապատասխանում իրականությանը։ Այս մասին նշված է Կենտրոնական բանկի մամուլի ծառայության տարածած հայտարարությունում։
Մի շարք ԶԼՄ-ներում ու սոցիալական ցանցերում լուրեր են տարածվել, որ քաղաքացիները փոխում են արժույթը և ավանդները հանում բանկերից։
«Ցանկանում ենք հայտնել լրատվամիջոցներին, մտահոգ քաղաքացիներին և հանրությանը, որ Հայաստանի Հանրապետության ֆինանսական համակարգը գործուն, կայացած համակարգ է, բանկերն ունեն բարձր լիկվիդայնություն (իրացվելիություն), կանխիկի խնդիր համակարգում առկա չէ, պահուստները գտնվում են պատմականորեն ամենաբարձր մակարդակում», — ասվում է հաղորդագրությունում:
Հիշեցնենք, որ այսօրվանից հանրապետությունում վերսկսվել են բողոքի զանգվածային ակցիաները, փակվել են շատ փողոցներ։ Ցուցարարները փակել են անգամ օդանավակայան տանող ճանապարհը։
