08:53 25 հունիսի 2019
Ուղիղ եթեր
  • USD477.81
  • GBP609.64
  • EUR544.32
  • RUB7.60
Նիկոլ Փաշինյան

Օնլայն վարչապետը. ինչո՞ւ է Նիկոլ Փաշինյանն անընդհատ ուղիղ եթեր մտնում Ֆեյսբուքում

© Facebook/ Nikol Pashinyan / Նիկոլ Փաշինյան
Հայաստան
Ստանալ կարճ հղումը
ՀՀ վարչապետ Նիկոլ Փաշինյան (790)
149340

Հայաստանի նոր վարչապետը փորձում է գտնել և պահպանել կապը հեղափոխության գլխավոր շարժիչ ուժի՝ երիտասարդության հետ։

ԵՐԵՎԱՆ, 10 մայիսի — Sputnik, Դավիթ Գալստյան. Հայաստանի վարչապետ Նիկոլ Փաշինյանն ուղիղ եթերների միջոցով երիտասարդությանն է ցուցադրում իր աշխատանքի թափանցիկությունը, Sputnik Արմենիային ասաց քաղաքական տեխնոլոգ Վիգեն Հակոբյանը։

Վերջին օրերին համացանցում բանավեճեր են ընթանում Facebook-ում Փաշինյանի ուղիղ եթերների վերաբերյալ։ Նա կապի մեջ է մտել անգամ ուղղաթիռից Արցախ մեկնելու ճանապարհին, Բաղրամյանի պողոտայի վրա գտնվող նստավայրից։ Որոշ օգտատերեր կարծում են, որ Փաշինյանը բոլորովին հոգ չի տանում իր և իրեն շրջապատող մարդկանց անվտանգության մասին։

«Մենք անցումային փուլում ենք։ Պայքարը փողոցից տեղափոխվել է քաղաքական դաշտ, կուլիսներ, նստավայրեր։ Փաշինյանը ցանկանում է կողմնակիցներին աստիճանաբար նախապատրաստել իր նոր կարգավիճակին», — ասաց Հակոբյանը։

Նրա խոսքով՝ վարչապետը փորձում է ամենօրյա կապ պահպանել համակրների հետ։ Այսօրվա տեղեկատվական տեխնոլոգիաները դա թույլ են տալիս։

Այդ ոճն առաջին հերթին հասցեագրված է երիտասարդությանը, որի համար օնլայն ռեժիմը սովորական երևույթ է։

«Եթե դիտարկենք երիտասարդների արձագանքը, ապա նրանք բավական դրական են ընդունում Փաշինյանի ուղիղ եթերները։ Ավագ սերունդը մի քիչ ավելի զուսպ է վերաբերվում դրան, երբեմն` քննադատաբար։ Դա նորմալ է», — ասաց Հակոբյանը։

Որոշ ժամանակ անց կգտնվի ինչ-որ բալանս։ Քաղտեխնոլոգի կարծիքով՝ կընտրվի ինչ-որ ընդունելի ձևաչափ, որը թույլ կտա մի կողմից պահպանել մարդկանց հետ կապը, որոշակի թափանցիկությունը, մյուս կողմից կասկածի տակ չի դնի վարչապետի հեղինակությունն ու անվտանգությունը։

Հիմա սկզբնական փուլն է, կարող են լինել ժողովրդավարության ծայրահեղ դրսևորումներ, բայց դա օրերի հարց է։

Նրա խոսքով՝ Հայաստանում եղել են ոգևորվածության և հիասթափությունների շատ ալիքներ, ուստի ավելի փորձառու սերունդը մի քիչ զուսպ է սպասումներում։ Դեռ մեկ ամիս առաջ շատերը չէին հավատում, որ խաղաղ ակցիաների օգնությամբ կարելի է հասնել իշխանափոխության։ Բայց ակցիաները սկսվելուց մի քանի օր հետո այդ մարդիկ իրենք սկսեցին մասնակցել այդ գործողություններին։

թեմա:
ՀՀ վարչապետ Նիկոլ Փաշինյան (790)

Ըստ թեմայի

Փաշինյանը հնարավորինս արագ պետք է հրաժարվի «սուպերվարչապետական» համակարգից. Սարգսյան
Ովքե՞ր կփոխարինեն Նիկոլ Փաշինյանին ու մյուսներին. հին դեմքեր` նոր մանդատներով
Նոր կառավարությունը պետք է հավաքվի գաղափարի, ոչ թե պորտֆելների շուրջ. նախկին նախարար
Հեղափոխությունը սոցիալական կայքերում. մեմերն ու կատակները

Գլխավոր թեմաներ