00:54 21 օգոստոսի 2018
Ուղիղ եթեր
  • USD483.10
  • GBP615.42
  • EUR551.12
  • RUB7.20
Տարոն Մարգարյան

Տարոն Մարգարյանն` իր հրաժարականի ու դրա պահանջը ներկայացնողների մասին

© Sputnik / Aram Nersesyan
Հայաստան
Ստանալ կարճ հղումը
Բողոքի ակցիաներ Երևանում (22)
44601

Երևանի քաղաքապետը հրաժարական չի տա։ Նա պատրաստվում է նշել Երևանի 2800–ամյակը։

ԵՐԵՎԱՆ, 16 մայիսի — Sputnik. Երևանի քաղաքապետ Տարոն Մարգարյանը շնորհակալություն հայտնեց քաղաքապետարանի դիմաց հավաքված իր կողմնակիցներին ու հորդորեց վերադառնալ իրենց տուն, ընտանիք։

Ի դեպ, ինչպես հայտնում է Sputnik Արմենիայի թղթակիցը, այն պահին, երբ Երևանի քաղաքապետն ի վերջո` առավոտից հնչող պահանջներից ժամեր անց, դուրս եկավ քաղաքապետարանից, քաղաքապետարանի մուտքի դիմաց միայն նրա աջակիցներն էին մնացել։

Լրագրողների հարցին, թե ինչու ավելի վաղ դուրս չեկավ ու չարձագանքեց իր հրաժարականը պահանջող ցուցարարների պահանջին, Տարոն Մարգարյանն ասաց. «Ես գտնվում էի այլ վարչական շրջանում, իմացա, որ ակցիա է իրականացվում, փորձեցի շատ արագ ավարտել աշխատանքներս ու միանալ քաղաքացիներին` լսելու նրանց պահանջն ու ինչու չէ` լսելու նաև իմ կողմնակիցներին, ովքեր ևս եկել են քաղաքապետարանի դիմաց` իրենց պահանջները ներկայացնելու»։

Իր հրաժարականը պահանջող ու երևանյան այգու բարեկարգման ծրագրի դեմ բողոքող քաղաքացիների ակցիան Տարոն Մարգարյանը օրենքի խախտում է համարում։

«Հստակ երևում է, որ օրենքի խախտում է եղել, ակտիվիստները ներխուժել են քաղաքապետարանի շենք, փորձել են քաղաքապետարանի բնականոն աշխատանքները խանգարել։ Ես կոչ եմ անում մեր իրավապահներին զբաղվել այս հարցով»,– ասաց նա։

Հրաժարական Տարոն Մարգարյանը չի տալու։ Նա անընդունելի է համարում, երբ երկրում գործադիր իշխանության փոփոխությունից հետո պահանջում են համայնքային անկախ, ընտրովի իշխանության հրաժարականը։

Ինչ վերաբերում է Մյասնիկյանի արձանի հետևում գտնվող երևանյան այգուն, Տարոն Մարգարյանը նշեց, որ այն 10 տարով վարձակալության էր հանձնված, բայց քաղաքապետարանի առաջարկով նախկին վարձակալը թույլ է տվել «Վարդանյան ընտանիք» բարեգործական հիմնադրամին բարեկարգել այն։

Բարեգործական հիմնադրամն արդեն 3 ամիս շինարարական աշխատանքներ է իրականացնում տարածքում։ Քաղաքապետը վստահեցնում է` այգում սրճարաններ չեն բացվելու, այգին մնալու է երևանցիներինը, հատված ծառերի փոխարեն տնկվելու են նորերը` մի քանի անգամ ավելի շատ։

թեմա:
Բողոքի ակցիաներ Երևանում (22)

Ըստ թեմայի

Երևանում բողոքի են դուրս եկել զինկոմիսարիատների աշխատակիցները. ՊՆ–ի պարզաբանումը
«Նաիրիտի» աշխատակիցները բողոքում են Փաշինյանի նստավայրի մոտ
Ցուցարարները ներխուժել են Երևանի քաղաքապետարան, պահանջում են Տարոն Մարգարյանի հրաժարականը

Գլխավոր թեմաներ