10:26 22 մայիսի 2018
Ուղիղ եթեր
Սամվել Բալասանյան

Բալասանյանը կշարունակի պաշտոնավարել. նոր թեկնածուն ինքն իրեն դեմ է քվեարկել

© Sputnik / Armenuhi Mkhoyan
Հայաստան
Ստանալ կարճ հղումը
20110

ԳԱԼԱ խմբակցության անդամները պնդում էին, որ սա կեղծ օրակարգով կազմած նիստ է, որ Բալասանյանը, պարզապես զգուշավոր մարդ լինելով, փորձել է կեղծ անվստահության հարց բարձրացնել։

ԵՐԵՎԱՆ, 17 մայիսի — Sputnik. Գյումրու քաղաքապետարանում ավարտվեց քվեարկությունը`Սամվել Բալասանյանի անվստահության հանձնախմբի կողմից առաջարկած թեկնածուի համար։ Քվերկությանը մասնակցած ավագանու 18 անդամները դեմ քվերակեցին միակ թեկնածու Տիգրան Հովհաննիսյանին։ Տիգրան Հովհաննիսյանն ինքն էլ դեմ քվերակեց իրեն։

Այսպիսով, կանոնակարգի համաձայն` Սամվել Բալասանյանը կշարունակի պաշտոնավարել ևս մեկ տարի։

Հիշեցնենք, որ մայիսի 14–ին Գյումրիում անվստահություն էին հայտնել քաղաքապետ Բալասանյանին։ Նրան անվստահություն հիմնականում հայտնում են Գյումրու ավագանու «Բալասանյան» դաշինքի  անդամները՝  դաշինքի  17 անդամներից 10-ը։ Նրանց են  միացել նաև ավագանու անդամներ մյուս կուսակցություններից՝ 1 անձ «Օրինաց երկրի»  և 1-ը՝ «Բարգավաճ Հայաստան»: Նրանք ներկայացրել են քաղաքապետի իրենց թեկնածուին, որը կրկին «Բալասանյան դաշինքի» անդամ  Տիգրան Հովհաննիսյանն է։ Ավագանու արտահերթ նիստի անցկացման համար ընտրվել է մայիսի 17–ը։

Այսօրվա նիստին Գյումրու ավագանու33 անդամի փոխարեն մասնակցում էին 18–ը։ Մինչ քվեարկությունը, նիստը բոյկոտելով, դահլիճը լքեցին ԳԱԼԱ խմբակցության անդամները և ևս 2 անդամ «Հայկական վերածնունդից»,  իսկ ավագանու ԲՀԿ 6 անդամները ընդհանրապես ներկա չէին նիստին։

ԳԱԼԱ խմբակցությամբ անդամները պնդում էին, որ սա կեղծ օրակարգով կազմված նիստ է, որ Բալասանյանը, պարզապես զգուշավոր մարդ լինելով, փորձել է կեղծ անվստահության հարց բարձրացնել։

Քաղաքապետի նոր թեկնածուն` Տիգրան Հովհաննիսյանը, լրագրողների հետ զրույցում ասաց. «Ես ստորագրել եմ Սամվել Բալասանյանին անվստահություն հայտնելու դիմումի տակ, բայց կողմ եմ Բալասանյանին»։

ԳԱԼԱ խմբակցությամբ անդամներն ավագանում 13 անդամներին, ովքեր անվստահություն էին հայտնել, առաջարկում են վայր դնել մանդատները։

Գլխավոր թեմաներ