03:28 20 օգոստոսի 2018
Ուղիղ եթեր
  • USD483.14
  • GBP613.68
  • EUR549.86
  • RUB7.16
Շտապօգնության ավտոմեքենա

Երեկոյան բժիշկ և շտապօգնության նոր մեքենաներ. նախարարը գտել է խնդիրների լուծման բանալին

© Sputnik / Mikhail Chernyakhovsky
Հայաստան
Ստանալ կարճ հղումը
40230

Շուտով Հայաստան կգան շտապօգնության նոր ավտոմեքենաներ, իսկ ոչ հրատապ կանչերի վրա ժամանակ ու ռեսուրսներ ծախսելու պրակտիկան վերացնելու համար պատրաստվում են երեկոյան բժիշկների համակարգ ստեղծել:

ԵՐԵՎԱՆ, 5 հունիսի – Sputnik. Օգոստոսին Հայաստան կներկրվի շտապօգնության 200 նոր ավտոմեքենա: Այս մասին այսօր ԱԺ-ում հայտնեց ՀՀ առողջապահության նախարար Արսեն Թորոսյանը: Նա նշեց` սա Չինաստանի կառավարության նվերն է Հայաստանի առողջապահության ոլորտին:

Նախարարի խոսքով` այս աջակցությունը կօգնի ամբողջությամբ լուծել Հայաստանի շտապօգնության ծառայության ավտոպարկի խնդիրները:

Իսկ այսօր շահագործվող ավտոմեքենաները, նախարարի խոսքով, կհատկացվեն մարզերին:

«Մտածում ենք այդ ավտոմեքենաների մի մասն էլ տրամադրել գյուղական ամբուլատորիաներին՝ տնային կանչերի համար»,- ասաց Թորոսյանը:

Նախարարը նշեց նաև, որ այսօր մեծ խնդիր է նաև շտապօգնության` ոչ հրատապ կանչերի վրա ժամանակ ու ռեսուրսներ ծախսելու պրակտիկան:

«Շտապօգնության կանչերի մեծ մասը չի ավարտվում հոսպիտալացմամբ: Այսինքն՝ դրանք, ըստ էության, տնային կանչեր են»,- ասաց նախարարը

Նա նշեց, որ այդ խնդրի լուծման համար կառավարությունում մտադիր են երեկոյան բժիշկների համակարգ ստեղծել, որոնք կաշխատեն հենց այդ կանչերի սպասարկման ոլորտում:

թեգերը:
Արսեն Թորոսյան, Հայաստան

Գլխավոր թեմաներ