ԵՐԵՎԱՆ, 8 հունիսի — Sputnik. «Ծառուկյան» խմբակցության ներկայացուցիչները հանդես են եկել Արամ Պավլիկի Մանուկյանի կալանքը որպես խափանման միջոց փոխելու անձնական երաշխավորությամբ: Facebook սոցիալական ցանցում այս մասին գրել է Լուիզա Սարգսյանը։
Նա գրառմանը կից հրապարակել է նաև փաստաթղթի լուսանկարը։
Երաշխավորագրի տակ ստորագրել են Վահե Էնֆիաջյանը, Լուիզա Սարգսյանը, Շաքե Իսայանը, Նորա Առուստամյանն ու Գևորգ Պետրոսյանը։
Նշենք, որ նման նախաձեռնության մասին հայտնել էին նաև ՀՀ վարչապետ Նիկոլ Փաշինյանի կողմնակիցներ Ալեն Սիմոնյանն ու Հայ Կոնջորյանը։
Հիշեցնենք` 2016թ-ի հուլիսի 17-ին վաղ առավոտյան «Սասնա ծռեր» խմբի անդամները բեռնատար ավտոմեքենայով ջարդել էին ոստիկանական ՊՊԾ գնդի մուտքի դարպասները, ներս մտել գնդի տարածք ու գրավել այն։ Խումբը պահանջում էր Սերժ Սարգսյանի հրաժարականն ու քաղբանտարկյալների ազատ արձակումը։ 14 օր տևած պաշարումից և մարդկային մի քանի կորուստներից հետո խմբի անդամները վայր դրեցին զենքն ու հանձնվեցին իրավապահներին։
