20:36 16 դեկտեմբերի 2018
Ուղիղ եթեր
  • USD484.87
  • GBP609.92
  • EUR547.37
  • RUB7.30
Զոհրաբ Մնացականյան

Համատեղ ջանքերի շնորհիվ հայ-ռուսական հարաբերությունները կշարունակեն ամրապնդվել.Մնացականյան

© Photo : press office of the MFA of RF
Հայաստան
Ստանալ կարճ հղումը
110 0 0

Հայ-ռուսաստանյան դաշնակցային ռազմավարական հարաբերությունները հենվում են ամուր իրավապայմանագրային դաշտի վրա, աչքի են ընկնում բարձր մակարդակի ակտիվ երկխոսությամբ, նշում է Զոհրաբ Մնացականյանը:

ԵՐԵՎԱՆ, 12 հունիսի- Sputnik. ՀՀ ԱԳՆ Զոհրաբ Մնացականյանը այսօր, Ռուսաստանի օրվա կապակցությամբ, այցելել է Հայաստանում ՌԴ դեսպանություն:

Այս մասին տեղեկացնում են ՀՀ ԱԳՆ մամուլի ծառայությունից:

«Մեր ժողովուրդները կապված են բազմաթիվ խորը թելերով, ամուր հիմքով, որի վրա էլ կառուցվում են Հայաստանի և Ռուսաստանի բազմակողմանի միջպետական հարաբերությունները՝ վստահորեն զարգանալով դաշնակցային համագործակցության հունով: Այս ռազմավարական ուղղությունն անշեղորեն զարգանում է Հայաստանի և Ռուսաստանի միջև կնքված Բարեկամության, համագործակցության և փոխադարձ օգնության մասին պայմանագրով և դաշնակցային փոխգործակցության մասին հռչակագրով ամրագրված սկզբունքների հիման վրա:

Հայ-ռուսաստանյան դաշնակցային ռազմավարական հարաբերությունները հենվում են ամուր իրավապայմանագրային դաշտի վրա, աչքի են ընկնում բարձր մակարդակի ակտիվ երկխոսությամբ, արտաքին քաղաքականության լայն համադրմամբ, բազմակողմ միջազգային, տարածաշրջանային հարթակներում կառուցողական համագործակցությամբ, անվտանգության, ռազմական և ռազմատեխնիկական ոլորտներում արդյունավետ փոխգործակցությամբ: Ինտենիվ կապեր են պահպանվում երկու երկրների կառավարությունների, խորհրդարանների, տարբեր գերատեսչությունների միջև: Ընդլայնվում է արդյունավետ համագործակցությունն առևտրատնտեսական, էներգետիկ, տրանսպորտի, նորարարական տեխնոլոգիաների, հանքարդյունաբերության ոլորտներում, իրականացվում են կարևոր ներդրումային ծրագրեր, տարեցտարի նոր թափ են առնում միջտարածաշրջանային կապերը, հետևողականորեն զարգանում է համագործակցությունը հումանիտար և այլ ոլորտներում:

Մենք բարձր ենք գնահատում Լեռնային Ղարաբաղի հակամարտության բացառապես խաղաղ կարգավորման գործում Ռուսաստանի՝ որպես ԵԱՀԿ Մինսկի խմբի համանախագահ երկրի միջնորդական ջանքերը:

Մեր երկրների բարեկամական հարաբերությունների ամրապնդման գործում նշանակալի ներդրում ունեն Ռուսաստանում հայ համայնքը, ինչպես նաև Հայաստանում բնակվող ռուսները, ովքեր դարձել են մեր պետություններն և ժողովուրդներին իրենց ճակատագրերով, դրանց միահյուսվածությամբ իրար կապող կարևոր կենդանի կամուրջ։

Կցանկանայի երախտագիտությունս հայտնել բոլոր նրանց, ովքեր իրենց ներդրումն են ունեցել և շարունակում են ունենալ մեր եղբայրական ժողովուրդների բարեկամության մեջ: Ովքեր իրենց ամենօրյա ոչ միշտ բարձրաձայնվող աշխատանքի շնորհիվ փորձում են հարստացնել Այն: Համոզված եմ, որ համատեղ ջանքերի շնորհիվ հայ-ռուսաստանյան հարաբերությունները կշարունակեն առավել ամրապնդվել՝ ի բարօրություն մեր պետությունների և ժողովուրդների, ի շահ Հարավային Կովկասում խաղաղության, անվտանգության և կայունության:

Եվս մեկ անգամ շնորհավորում եմ ողջ ռուս ժողովրդին Ռուսաստանի օրվա կապակցությամբ:

Ցանկանում եմ բոլոր ներկաներին առողջություն և հաջողություն, Ռուսաստանին և ողջ ռուս ժողովրդին՝ խաղաղություն և բարգավաճում»,-ասել է ՀՀ արտգործնախարարը իր ելույթում:

 

Ըստ թեմայի

Russia Today–ի գլխավոր խմբագիրը հայկական երգեր է երգում Ռուսաստանի օրվա տոնին
Փաշինյանը ընդգծում է` Ռուսաստանի հետ հարաբերություններում սկսվել է նոր փուլ
Պետպարտքն ու Ռուսաստանի զենքը․ ինչո՞ւ են աճել Հայաստանի ծախսերը 2017-ին
թեգերը:
Զոհրաբ Մնացականյան, Հայաստան

Գլխավոր թեմաներ