07:27 15 օգոստոսի 2018
Ուղիղ եթեր
  • USD483.03
  • GBP617.31
  • EUR550.85
  • RUB7.23
Դատական նիստ

Դատարանների գործունեությունը թեթևացնող օրինագիծն ընդունվեց

© Sputnik / Nelli Danielyan
Հայաստան
Ստանալ կարճ հղումը
43 0 0

Ազգային ժողովը հաշտարարի ինստիտուտ ստեղծելու մասին օրինագիծ է ընդունել։ Այն թույլ կտա կրճատել դատական գործերի քանակը և թեթևացնել դատարանների ծանրաբեռնվածությունը։

ԵՐԵՎԱՆ, 13 հունիսի — Sputnik. Ազգային ժողովն այսօր երկրորդ և վերջնական ընթերցմամբ ընդունեց «Հաշտարարության մասին» օրինագիծը, որը դատական վեճերի լուծման այլընտրանքային ձևերի ներդրում է ենթադրում։

Արդարադատության նախարարի տեղակալ Արթուր Հովհաննիսյանը փաստաթուղթը ներկայացնելիս հայտարարեց, որ հաշտարարի ինստիտուտը հնարավորություն կտա էապես թեթևացնել դատարանի ծանրաբեռնվածությունը։ Օրինագիծը սահմանում է հաշտարարի աշխատանքի սկզբունքները, նրա իրավունքներն ու պարտականությունները, որակավորման շնորհումն ու զրկումը։

Ինչպես նշեց Հովհաննիսյանը, հաշտեցումը տեղի է ունենում կողմերի համաձայնությամբ։ Հաշտարարին համապատասխան որակավորում տալու և զրկելու իրավունք է ստանում արդարադատության նախարարությունը։

Նշվում է նաև, որ եթե հաշտարարը հասարակական ծառայության անցնի, նրա արտոնագիրն ուժի մեջ կմնա։ Եթե հաշտարարը հրաժարվի ուսումնասիրել գործը, ամբողջ գումարը պետք է վերադարձվի հայտատուին։ Օրինագիծը նախատեսում է նաև հաշտարարի էթիկայի հանձնաժողով ստեղծել։

Գլխավոր թեմաներ