07:24 15 օգոստոսի 2018
Ուղիղ եթեր
  • USD483.03
  • GBP617.31
  • EUR550.85
  • RUB7.23
ՀՀ քննչական կոմիտե

Հետախուզվում է «Մոնթե Մելքոնյանի» անվան դպրոցի նախկին տնօրեն Ռուզաննա Ազիզյանը

© Photo: official site of the Investigative Committee of RA
Հայաստան
Ստանալ կարճ հղումը
17310

Որոշում է կայացվել նաև պաշտոնեական լիազորությունները չարաշահելու համար նրան որպես մեղադրյալ ներգրավելու մասին։

ԵՐԵՎԱՆ, 13 հունիսի — Sputnik. Որոշում է կայացվել «Մոնթե Մելքոնյանի անվան հ. 11 հիմնական դպրոց» ՊՈԱԿ-ի նախկին տնօրեն Ռուզաննա Ազիզյանին պաշտոնեական լիազորությունների չարաշահելու համար որպես մեղադրյալ ներգրավելու մասին։

Այս մասին տեղեկացնում է ՀՀ քննչական կոմիտեի մամուլի ծառայությունը։

Հիշեցնենք, որ 2018 թվականի մայիսի 16-ին Երևան քաղաքի քննչական վարչության Մալաթիա-Սեբաստիայի քննչական բաժնում ստացվել և վարույթ է ընդունվել «Մոնթե Մելքոնյանի անվան հ. 11 հիմնական դպրոցի» նախկին տնօրեն Ռուզաննա Ազիզյանի կողմից պաշտոնեական լիազորությունները չարաշահելու դեպքի առթիվ հարուցված քրեական գործը։

Ձեռնարկված գործողությունների արդյունքում փաստական տվյալներ են ձեռք բերվել, որ Ազիզյանը, զբաղեցնելով Երևանի «Մոնթե Մելքոնյանի անվան հ. 11 հիմնական դպրոցի»  տնօրենի պաշտոնը, 2014-2017թթ. ընթացքում հրամաններ է ստորագրել՝ մի շարք աշխատակիցների դրամական պարգևատրումներ տալու մասին։ Վերջիններս, ստանալով պարգևատրումները, ամբողջությամբ կամ մասնակի առձեռն վերադարձրել են ՊՈԱԿ-ի տնօրենին՝ ըստ նրա կողմից ներկայացված նախնական պահանջի:

Ձեռք բերված բավարար ապացույցների հիման վրա՝ քննիչը որոշում է կայացրել պաշտոնեական լիազորությունները չարաշահելու համար նրան որպես մեղադրյալ ներգրավել՝ ՀՀ քրեական օրենսգրքի 308-րդ հոդվածի 1-ին մասով, և հայտարարել հետախուզում։

Հանձնարարություն է տրվել ոստիկանության ստորաբաժանումներին միջոցներ ձեռնարկել՝ Ռուզաննա Ազիզյանին հայտնաբերելու և վարույթն իրականացնող մարմնին ներկայացնելու ուղղությամբ։

Նախաքննությունը շարունակվում է, միջոցներ են ձեռնարկվում՝ դեպքի հանգամանքների օբյեկտիվ, լրիվ և բազմակողմանի քննությունն ապահովելու ուղղությամբ:

Ըստ թեմայի

Ուրասար գյուղի դպրոցի տնօրենը յուրացրել է 3,300,000 դրամ
Դպրոցի տնօրենը «կերել է» երեխաների սննդի փողերը
Դպրոցի տնօրենը կեղծ աշխատանքային պայմանագրերով խոշոր գումար է հափշտակել
թեգերը:
Երևան, Հայաստան

Գլխավոր թեմաներ