06:26 19 հունիսի 2018
Ուղիղ եթեր
  • USD482.59
  • GBP639.29
  • EUR559.61
  • RUB7.62
Սասնա ծռեր. դատ, արխիվային լուսանկար

Մեկ տարի անց մեղադրանք է առաջադրվել Սասնա ծռերին ծեծի ենթարկած փոխգնդապետին

© Sputnik / Aram Nersisyan
Հայաստան
Ստանալ կարճ հղումը
22301

Հատուկ քննչական ծառայությունը հայտնում է, որ առաջընթաց է գրանցվել Սասնա ծռերին ծեծի ենթարկած ուղեկցող գումարտակի ծառայողների նկատմամբ հարուցված քրեական գործում։

ԵՐԵՎԱՆ, 13 հունիսի — Sputnik. Հատուկ քննչական ծառայությունում քննվող քրեական գործով մեղադրանք է առաջադրվել «Սասնա ծռեր» խմբի անդամների նկատմամբ բռնություն կիրառած ուղեկցող գումարտակի հրամանատար Ա. Ղազարյանին։

Այս մասին հայտնում է ՀՔԾ պաշտոնական կայքը։

ՀՀ ոստիկանության Երևան քաղաքի վարչության ուղեկցող գումարտակի հրամանատարն, ըստ հաղորդագրության, ամբաստանյալ Գագիկ Եղիազարյանին` հայտնած դժգոհության համար պատժելու նպատակով մտել է վերջինիս խուց, ապտակել դեմքին, որից հետո ՀՀ ոստիկանության ուղեկցող գումարտակի այլ ծառայողների հետ միասին ձեռքերով և ոտքերով հարվածներ հասցրել Եղիազարյանի մարմնի տարբեր հատվածներին` նրան դիտավորությամբ պատճառելով մարմնական վնասվածքներ:

Կատարված դեպքի մասին 2017թ.–ի հուլիսի 29-ին իրենց պաշտպաններին հայտնել էին «Սասնա ծռեր» խմբի անդամ Գագիկ Եղիազարյանն ու Մխիթար Ավետիսյանը: Նրանք պատմել են, որ հենց փոխգնդապետն է եղել առաջին ծեծողն ու «օպերացիան» ղեկավարողը: Երբ որ Գագիկ Եղիազարյանը պահանջել էր, որպեսզի իր ընկերներին չհարվածեն և բռնության չենթարկեն, նա 10 այլ ուղեկցողների հետ միասին մուտք է գործել Եղիազարյանի խուց և սկսել ծեծել նրան։

Նույն միջադեպի ժամանակ Մխիթար Ավետիսյանը դիմել է փոխգնդապետ Ղազարյանին և ասել է, նայեք՝ տեսեք, եթե խնդիր չկա, լուծեք այս հարցը (խոսքը Արեգ Կյուրեղյանի ձեռքից վերցրած գրության մասին է), այդ պահին փոխգնդապետը հրել էր, գցել Ավետիսյանին, մյուսներն էլ քարշ տալով տարել էին նրան։

Ըստ թեմայի

«Սասնա ծռերի» առաջնորդի որդուն ազատ արձակեցին
Ծառուկյանականներն ուզում են ազատ արձակել «Սասնա ծռերի» առաջնորդի որդուն
«Սասնա ծռերից» Արամ Հակոբյանն ազատ արձակվեց
թեգերը:
Հայաստան

Գլխավոր թեմաներ