06:32 19 հունիսի 2018
Ուղիղ եթեր
  • USD482.59
  • GBP639.29
  • EUR559.61
  • RUB7.62
Դավիթ Տոնոյանը ընդունել է ԵԱՀԿ ՄԽ համանախագահներին

Դավիթ Տոնոյանը ԵԱՀԿ ՄԽ համանախագահների հետ քննարկել է սահմանային լարվածության թեման

© Photo: official site of the MoD of RA
Հայաստան
Ստանալ կարճ հղումը
114 0 0

ԵԱՀԿ ՄԽ համանախագահներին Տոնոյանը հիշեցրել է, որ Հայաստանը շարունակում է կողմնակից լինել շփման գծում զինադադարի անվերապահ պահպանմանը` փոխվստահության ամրապնդման համակողմանի միջոցների ներդրմամբ:

ԵՐԵՎԱՆ, 13 հունիսի — Sputnik. Հերթական տարածաշրջանային այցով Հայաստանում գտնվող ԵԱՀԿ Մինսկի խմբի համանախագահներ Իգոր Պոպովին, Էնդրյու Շոֆերին և Ստեֆան Վիսկոնտիին այսօր ընդունել է ՀՀ պաշտպանության նախարար Դավիթ Տոնոյանը։ Հանդիպմանը ներկա էր նաև ԵԱՀԿ գործող նախագահի անձնական ներկայացուցիչ Անջեյ Կասպրշչիկը: Այս մասին տեղեկացնում են ՀՀ ՊՆ մամուլի ծառայությունից։

Զրուցակիցների խնդրանքով ՀՀ պաշտպանության նախարարն անդրադարձել է հայ-ադրբեջանական պետական սահմանին և արցախա-ադրբեջանական հակամարտ զորքերի շփման գծում տիրող իրավիճակին:

ՀՀ պաշտպանության նախարարը նշել է, որ Ադրբեջանը պարբերաբար շարունակում է շփման գոտում իրավիճակի ապակայունացման գործողությունները, մասնավորապես` դիպուկահար կրակը, հանգեցնելով նոր զոհերի: Անդրադարձ է կատարվել նաև վերջին շրջանում Նախիջևանում Ադրբեջանի զինված ուժերի կողմից դիրքերի տեղաշարժին:

Դավիթ Տոնոյանը շեշտել է, որ Հայաստանը շարունակում է կողմնակից լինել շփման գծում զինադադարի անվերապահ պահպանմանը` փոխվստահության ամրապնդման համակողմանի միջոցների ներդրմամբ: Միաժամանակ նշվել է, որ Հայաստանի զինված ուժերը աչալրջորեն հետևում են իրավիճակին և վերահսկում ցանկացած շարժ:

Ըստ թեմայի

Դիտարկում սահմանին. ադրբեջանական կողմը ԵԱՀԿ դիտորդներին առաջապահ դիրքեր դուրս չի բերել
ԵԱՀԿ առաքելությունը դիտարկում կանցկացնի շփման գծում
Արցախի և Ադրբեջանի զինված ուժերի շփման գծում ԵԱՀԿ–ն դիտարկում է անցկացրել
թեգերը:
ԵԱՀԿ Մինսկի Խումբ, Դավիթ Տոնոյան, Արցախ, Հայաստան

Գլխավոր թեմաներ