21:16 18 հոկտեմբերի 2018
Ուղիղ եթեր
  • USD483.48
  • GBP634.62
  • EUR557.16
  • RUB7.38
Մինսկի խումբը Հայաստանում

Արցախի հարցով միջնորդներն արձանագրեցին` Երևանը պատրաստ է շարունակել բանակցությունները

© Photo: official site of the Prime minister of RA
Հայաստան
Ստանալ կարճ հղումը
19620

ԵԱՀԿ Մինսկի խմբի համանախագահները հայաստանյան այցից հետո հայտարարություն են տարածել։

ԵՐԵՎԱՆ, 14 հունիսի — Sputnik. ԵԱՀԿ Մինսկի խմբի համանախագահներն այսօր հայտարարություն են տարածել։ Հայաստան կատարած երկօրյա այցի ընթացքում միջնորդները հանդիպել են ՀՀ նախագահի, վարչապետի պաշտպանության նախարարի ու արտգործնախարարի հետ։

«Համանախագահներն ու Հայաստանի պաշտոնյաները դիտարկել են բանակցությունների կարգավիճակն ու քննարկել են գործընթացն առաջ մղելուն ուղղված հետագա քայլերը, այդ թվում և մոտ ապագայում նախարարական (արտգործնախարարների —խմբ.) հանդիպման կազմակերպումը: Նրանք մտքեր են փոխանակել Հայաստան-Ադրբեջան սահմանին և շփման գծում տիրող ներկայիս իրավիճակի վերաբերյալ՝ ընդգծելով կառուցողական միջավայրը պահպանելու կարևորությունը», — նշում է հայտարարության մեջ։

Համանախագահները վերահաստատել են իրենց պատրաստականությունը՝ օգնելու կողմերին գտնել հակամարտության խաղաղ կարգավորում՝ հիմնված Հելսինկիի եզրափակիչ ակտի հիմնարար սկզբունքների վրա, այդ թվում և՝ ուժի ու ուժի սպառնալիքի չկիրառումը, տարածքային ամբողջականությունը, հավասար իրավունքներն ու ժողովուրդների ինքնորոշումը:

Հաղորդագրության մեջ նշվում է նաև, որ Հայաստանի պաշտոնյաներն իրենց աջակցությունն են հայտնել ԵԱՀԿ Մինսկի խմբի ու գործող նախագահի անձնական ներկայացուցչի աշխատանքներին, ինչպես նաև պատրաստակամություն հայտնել շարունակելու արդյունավետ աշխատանքը համանախագահների հովանու ներքո։

Հիշեցնենք` վերջին օրերին Հայաստանի ու Արցախի զորքերի շփման գծի տարբեր հատվածներում, նաև Նախիջևանի ուղղությամբ տեխնիկա ու կենդանի ուժ է կուտակվում։

թեգերը:
Արցախ, Հայաստան

Գլխավոր թեմաներ