04:31 17 նոյեմբերի 2019
Ուղիղ եթեր
  • USD477.57
  • GBP614.78
  • EUR526.28
  • RUB7.48
Գյումրու քաղաքային թանգարան

Ռուսական հետքերով կամ ինչն է ռուս զբոսաշրջիկներին բերում Գյումրի

© Sputnik / Armenuhi Mkhoyan
Հայաստան
Ստանալ կարճ հղումը
69050

Վերջին տարիներին Հայաստանի երկրորդ քաղաքն ավելի շատ է ձգում զբոսաշրջիկներին: Պատճառները տարբեր են՝ ճարտարապետությունից մինչև հայտնի մարդկանց ծննդավայր լինելու հանգամանքը:

ԵՐԵՎԱՆ, 17 հունիսի — Sputnik, Արմենուհի Մխոյան. Շատերը Գյումրի գալիս են կոլորիտային կառույցներն ու թաղամասերը տեսնելու, մյուսներն` ավանդույթներին մոտիկից ծանոթանալու, ինչպես նաև միայն Գյումրիին հատուկ ճաշատեսակներն ու  խորտիկները համտեսելու համար:

Եթե մինչև վերջերս դեպի Գյումրի ավելի մեծ էր եվրոպացի զբոսաշրջիկների հոսքը, ապա հիմա շատ են այցելում նաև ռուսները: 2017  թվականի  հոկտեմբերից Գյումրիում գործող  «Գյումրիի այցելուների տեղեկատվական կենտրոնի» գլխավոր համակարգող Արաքս Մարտիրոսյանը Sputnik Արմենիային տեղեկացրեց, որ կենտրոն՝  քաղաքի մասին տարաբնույթ  ինֆորմացիա ստանալու համար, ամենաշատն այցելում են ռուսները, ապա գերմանացիները, ֆրանսիացիներն ու հոլանդացիները:

Պարզվում է` տարբեր ազգերի մարդիկ Գյումրի գալիս են տարբեր նպատակներով: «Եվրոպացի և ռուս  զբոսաշրջիկների նախասիրությունները միմյանցից շատ են  տարբերվում՝ նույնիսկ քարտեզից ու տեղեկատվական գրքույկներից օգտվելն է  տարբեր: Ի դեպ, եվրոպացի զբոսաշրջիկները հազվադեպ են տուրեր վերցնում, ավելի շատ անհատ տուրիստներ են, ովքեր իրենք են անձամբ կազմում իրենց տուրերը՝ քարտեզների օգնությամբ,  մեր խորհրդատվության միջոցով, իսկ  ռուս տուրիստները քարտեզներից չեն օգտվում ու հիմնականում վերցնում են տուրեր. իրենց հետաքրքրում են  ռուսական կետերը: Գիտեն, որ  Գյումրիում կա ռուսական ռազմաբազա ու միշտ  զարմանում են՝ ինչո՞ւ են այստեղ այսքան շատ խոսում ռուսերեն»,-նշեց Արաքս Մարտիրոսյանը՝  փաստելով, որ  ռուսների հիմանական նախասիրությունը Գյումրու Սև բերդն է, որը սովորական այցելուի համար փակ է: Այդ իսկ պատճառով վերցնում են տուր, որպեսզի ուղեկցողը կարողանա օգնել տեսնելու Սև  բերդը:

Միակը, որ բոլոր ազգերի այցելուներ, աներկբա հավանում են` Գյումրու ճարտարապետությունն է: «Ասում են, որ Հայաստանի դեմքը Գյումրինն է ու նույնիսկ խնդրում, որ հին  շենքերին ու, հատկապես, Գյումրուն հատուկ դռներին ձեռք չտանք»,-նշեց  Արաքս Մարտիրոսյանը:

Главный координатор Информационного центра посетителей Гюмри Аракс Мариторосян
© Sputnik / Armenuhi Mkhoyan
Արաքս Մարտիրոսյան

Քիչ չեն նաև հատուկ Մերկուրովի, Գյուրջիևի և Մհեր Մկրտչյանի  ծննդավայրը տեսնելու համար Գյումրի այցելող տուրիստները: Հատկապես ռուս տուրիստներն են հարցնում այս հայտնի մարդկանց մասին: «Երբեմն զբոսաշրջիկներն ավելի գիտեն, օրինակ, Գյուրջիևի մասին, քան մենք, ցավով  նշում են, որ  Գյուրիջիևի մասին թանգարան կամ ցուցանակ չկա: Երբեմն նաև գնում են Գյուրջիևի հոր գերեզմանը տեսնելու: Ռուսները տեղեկացված են ավելի, իսկ եվրոպացի ու այլ երկրների զբոսաշրջիկներին հիմնականում պետք է ուղղորդենք»:

  • Գյումրու «Սև բերդը»
    Գյումրու «Սև բերդը»
    © Sputnik / Armenuhi Mkhoyan
  • Զբոսաշրջիկների գրառումները
    Զբոսաշրջիկների գրառումները
    © Sputnik / Armenuhi Mkhoyan
  • Պատվո բլուրը
    Պատվո բլուրը
    © Sputnik / Armenuhi Mkhoyan
  • Զբոսաշրջիկների գրառումները
    Զբոսաշրջիկների գրառումները
    © Sputnik / Armenuhi Mkhoyan
1 / 4
© Sputnik / Armenuhi Mkhoyan
Գյումրու «Սև բերդը»

Զբոսաշրջիկները շատ են հավանում նաև խոհանոցը՝  առաջինը փորձում  են գյումրվա շերտավոր փախլավան և յաղլին:

Այն, որ Գյումրին նաև  հումորի քաղաք  է կրկին հիմնականում գիտեն ռուս զբոսաշրջիկները: Հենց ռուսները երբեմն,  վերադառնալով հայրենիք, իրենց ծանոթներին են ուղղորդում Գյումրի:

Ըստ թեմայի

Լիլիթ Մակունցը բացահայտում է Գյումրին. շարժական գրադարանից մինչև Մինասի որմնանկարներ
Կոմիտասյան «Կռունկով» ու սպիտակ փուչիկներով. Գյումրին շարունակում է սգալ
ՄԻՊ աշխատակիցները մեկնել են Գյումրի
թեգերը:
Գյումրի

Գլխավոր թեմաներ