ԵՐԵՎԱՆ, 19 հունիսի — Sputnik. Գարնանային երկարած անձրևները մի պահ մոռացության էին տվել, որ ամառը Երևանում շոգ է լինում։ Ու թեև դրանք դեռ հինգ օր կշարունակեն տեղալ երեկոյան, բայց, միևնույնն է, օդերևութաբաններն արդեն «գուժում» են լիարժեք ամառային շոգերի մասին։
Այսօր կեսօրին օդի ջերմաստիճանը մայրաքաղաքում կհասնի մինչև 32 աստիճան, իսկ երեկոյան կիջնի 25-ի` ուղեկցվելով քաղաքի առանձին հատվածներում հնարավոր կարճատև անձրևով և ամպրոպով։ Այս մասին տեղեկացնում է ՀՀ ԱԻՆ «Հիդրոմետ» ծառայությունը: Ամպրոպի ժամանակ քամու արագությունը կլինի 15-20 մ/վ:
Երեկոյան անձրևները, որ կտեղան հանրապետության տարբեր հատվածներում, մեզ կզովացնեն մինչև հունիսի 23–ը։
