12:26 22 օգոստոսի 2019
Ուղիղ եթեր
  • USD475.94
  • GBP576.98
  • EUR528.10
  • RUB7.20
Շենգենյան վիզա

ԵՄ ներկայացուցիչները քննարկել են Հայաստանում վիզայի ազատականացման խնդիրը

© Sputnik / Aram Nersesyan
Հայաստան
Ստանալ կարճ հղումը
23310

ԵՄ ներկայացուցիչները Հայաստանում են գտնվում աշխատանքային այցով և բանակցություններ վարում վիզայի ազատականացման հարցի վերաբերյալ։

ԵՐԵՎԱՆ, 20 հունիսի — Sputnik. Եվրախորհրդարանի ներկայացուցիչները քննարկում են ԵՄ–ում ՀՀ քաղաքացիների համար վիզաների ազատականացման հարցը։ Այս մասին Sputnik Արմենիայի թղթակցի հետ զրույցում ասաց ՀՀ–ում ԵՄ–ի պատվիրակությանն առընթեր համագործակցության բաժնի ղեկավար Խոա Բին Աճեմյանը։

Նախօրեին Եվրոպական խորհրդարանի արտաքին գործերի հանձնաժողովի նախագահ Դևիդ Մակալիստերը Երևանում հայտարարեց, որ ԵՄ–ն պատրաստ է բանակցել Հայաստանի հետ վիզայի ռեժիմի ազատականացման մասին։ Եվրախորհրդարանի պատգամավորների պատվիրակությունը Մակալիստերի գլխավորությամբ Երևանում հանդիպում է ունեցել ՀՀ վարչապետ Նիկոլ Փաշինյանի, ԱԺ նախագահ Արա Բաբլոյանի և այլոց հետ։

«Այցի շրջանակներում քննարկվող թեմաներից մեկը ԵՄ երկրներում ՀՀ քաղաքացիների համար վիզայի ազատականացման հարցն է», – ասաց Աճեմյանը։

Պատասխանելով այն հարցին, թե ինչպես են ԵՄ–ում գնահատել Հայաստանում տեղի ունեցած փոփոխությունները` Աճեմյանը նշեց, որ ԵՄ–ն միշտ ողջունում է քաղաքական գործընթացներին քաղաքացիների ներգրավվումը։

«Ողջունում ենք ժողովրդավարության խորացումը, կոռուպցիայի դեմ պայքարն ու խաղաղ իշխանափոխությունը։ Սակայն մենք աջակցել ենք ՀՀ քաղաքացիներին դրանից առաջ, այսօր և ընտրություններից հետո», – ասաց Աճեմյանը։

Հիշեցնենք, որ ՀՀ-ԵՄ Համապարփակ և ընդլայնված գործընկերության համաձայնագիրը ժամանակավորապես ուժի մեջ է մտել հունիսի 1-ից։

Երևանի և Բրյուսելի միջև Ասոցիացիայի մասին համաձայնագրի բանակցությունները սկսվել են 2010 թվականի հուլիսին, ինչը ներառում էր նաև ազատ առևտրի գոտու ստեղծում, սակայն 2013 թվականի սեպտեմբերին Հայաստանը հայտարարեց ԵԱՏՄ–ին անդամակցելու մասին և հրաժարվեց ստորագրել այն։

2015 թվականին ԵՄ–ն և Հայաստանը բանակցություններ սկսեցին նոր համաձայնագրի շուրջ։ 2017 թվականի մարտին ՀՀ-ԵՄ Համապարփակ և ընդլայնված գործընկերության համաձայնագիրը նախաստորագրվել էր, իսկ նոյեմբերի 24-ին` ստորագրվել։

Ըստ թեմայի

Եվրամիությունը Փաշինյանի կառավարության հետ քննարկում է վիզայի ազատականացման հարցը
Նաև հայ միգրանտներից է կախված Եվրոպայի հետ վիզայի ազատականացման ռեժիմը. Քոչարյան
Առանց վիզայի ռեժիմ 4 երկրի համար. հասանելի Հայաստանի հյուրերը կկրկնապատկվեն
Երևանը և Կոպենհագենը դյուրացնում են վիզայի ռեժիմը
թեգերը:
Հայաստան

Գլխավոր թեմաներ