22:45 19 նոյեմբերի 2018
Ուղիղ եթեր
  • USD485.09
  • GBP624.17
  • EUR554.26
  • RUB7.37
Նիկոլ Փաշինյանը որդու` Աշոտ Փաշինյանի հետ

Նիկոլ Փաշինյանի որդին` Աշոտ Փաշինյանը, վաղը բանակ է զորակոչվում

© Facebook/ Nikol Pashinyan / Նիկոլ Փաշինյան
Հայաստան
Ստանալ կարճ հղումը
188280

Վաղվանից ՀՀ ԶՈւ շարքերը կհամալրի նաև երկրի առաջին դեմքի որդին` Աշոտ Փաշինյանը։

ԵՐԵՎԱՆ, 8 հուլիսի — Sputnik. Նիկոլ Փաշինյանի որդին` Աշոտ Փաշինյանը վաղը մեկնում է ծառայության։ Այս մասին ֆեյսբուքյան իր էջում գրել է Հ1 հեռուստաընկերության «Օրակարգ» լրատվականի նորընտիր ղեկավար Վահագն Թևոսյանը, ով «Հայկական ժամանակում» աշխատելու տարիներին բազմիցս տեսել է փոքրիկ Աշոտին ու նրա մանկության մի դրվագ ներկայացրել իր գրառման մեջ։

«Աշոտը պուճուր ժամանակ անհավանական համով երեխա էր: Լինում էր՝ բերում էին խմբագրություն, Հրաչը՝ քեռին, հոգու հետ խաղում էր՝ Աշ դու դեռ պուճուր ես, Աշն էլ թե՝ չէ մե՜ճ եմ: Հրաչը բա՝ դե որ մեծ ես գնա հաց առ, խեղճ պուճուրը աչքերը պլշում քեռու վրա, նենց համով դեմքով էր խեղճանում, որ փորներս թուլանում էր:

Տարիները թռան, ու նոր իմացա, որ վաղը Աշը գնում ա բանակ: Ոնց թռել էին տարիները մինչև էսօր, էդ երկու տարին էլ են թռնելու: Պետք էլ չի պատկերացնել ծնողն ինչ ա զգում էդ ընթացքում՝ ամեն որդի ունեցողիս հետ կամ արդեն եղել ա նման բան, կամ կլինի»,–գրում է Թևոսյանը:

Աշոտ Փաշինյանին բարի ծառայություն մաղթելով` Թևոսյանը նաև ընդգծում է, որ վարչապետի որդու ծառայությունից հետո էլ ոչ ոք չի կարողանալու արդարացնել բանակից խուսափելու իր տրամադրությունները, ոչ ոք չի խուսափելու իր ծառայածով հպարտանալուց, ոչ ոք չի խեղճանալու իր անփողությունից՝ հարևանի լակոտի բրաբուսային կրքերը տեսնելիս։

Հիշեցնենք, որ մայիսի 26–ին վարչապետ Նիկոլ Փաշինյանը ֆեյսբուքյան ուղիղ հեռարձակման ժամանակ ներկայացրել էր իր որդուն` Աշոտ Փաշինյանին, որը ամառվա զորակոչին ծառայության էր մեկնելու բանակ։ ՀՀ վարչապետ Նիկոլ Փաշինյանը կոչով դիմել էր արտերկրում գտնվող և «բանակից ազատված» զորակոչիկներին և առաջարկել կատարել հայրենիքի հանդեպ պարտքը։ Աշոտն էլ իր հերթին նշել էր, որ դիմում է գրել և ցանկանում է զինվորական ծառայությունն անցնել Արցախում:

Ըստ թեմայի

Ծառուկյանի որդին կծառայի՞ բանակում. պարզաբանում է գլխավոր շտաբի պետը
Գլխավոր շտաբի պետը կոչ է անում անհապաղ հայտնել բանակում գրանցված խախտումների մասին
Հայոց բանակում գումարի դիմաց ծառայությունից խուսափելը պետք է բացառել. Տոնոյան
Քաղցրաբլիթ և թանապուր. ի՞նչ են ուտում զինվորները հայկական բանակում. լուսանկարներ
թեգերը:
Նիկոլ Փաշինյան, Հայաստան

Գլխավոր թեմաներ