21:04 20 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Դավիթ Տոնոյան

ԵԿՄ–ն կզրկվի՞ պաշտպանության նախարարության աջակցությունից. պատասխանում է Տոնոյանը

© Photo: official site of the MoD of RA
Հայաստան
Ստանալ կարճ հղումը
32530

Պաշտպանության նախարար Դավիթ Տոնոյանը սպասում է քննության ավարտին։

ԵՐԵՎԱՆ, 9 հուլիսի — Sputnik. Երկրապահ կամավորների միությունը կարևոր գործառույթ է իրականացնում ազգ-բանակ կապի ապահովման համատեքստում։ Այսօր լրագրողների հետ զրույցում այս մասին ասաց ՀՀ պաշտպանության նախարար Դավիթ Տոնոյանը` անդրադառնալով ԵԿՄ-ի խնդրին։

«Եթե ԵԿՄ-ն կարողանա վերակազմակերպվել ու էլ ավելի մասնագիտացված կարողանա աջակցել բանակ-հասարակություն կապին, մենք օրենքի սահմաններում աջակցելու ենք նրանց»,- ասաց նա։

Իսկ աջակցությունը կլինի նյութական ու ֆինանսական, թե ոչ, պարզ կդառնա միայն Մանվել Գրիգորյանի նկատմամբ հարուցված քրեական գործի ավարտին։

Տոնոյանի խոսքով` ՊՆ-ն որոշում կայացնելու համար սպասում է քննության ավարտին։

Հիշեցնենք` ԱԱԾ-ն հունիսի 17-ին տեսանյութ էր հրապարակել` ներկայացնելով ՀՀ Արմավիրի մարզի Արշալույս գյուղի Լճափնյա փողոցում գտնվող, Մանվել Գրիգորյանին սեփականության իրավունքով պատկանող հանգստյան գոտում, ինչպես նաև Էջմիածին քաղաքի Ալավերդյան փողոցի տուն 46 հասցեում տեղակայված և Գրիգորյանին պատկանող առանձնատան կատարված խուզարկության արդյունքները:

Տեսանյութում երևում է, որ Մանվել Գրիգորյանին պատկանող հանգստյան գոտին վերածվել էր զինապահեստի, ռետրո և ժամանակակից տասնյակ ավտոմեքենաների ավտոպարկի: Ակնալճի ամառանոցը գեներալի համար ծառայել է նաև «զինվորի բաժին» նշագրումով սննդի, հիգիենիկ պարագաների, դեղորայքի, զինվորական հանդերձանքի պահեստարանի: Զինվորներին հասցեագրված արկղերին կից նամակներից ակնհայտ էր, որ արկղերի պարունակությունը դեռևս 2016-ին ապրիլյան քառօրյա պատերազմի օրերին ուղարկված օգնությունն էր առաջնագծի զինվորներին: Զինվորական շապիկներ, գուլպաներ, դեղորայք, բինտեր, վիրակապեր դեղահաբեր։

Մանվել Գրիգորյանը կալանավորված է։

Նշենք, որ հուլիսի 5-ին ԵԿՄ նիստի ժամանակ վարչության նախագահի պաշտոնում ներկայացվեց ԵԿՄ անդամ, ԱԺ պատգամավոր Արամ Սարգսյանի թեկնածությունը: Քննարկվեց նաև ԵԿՄ արտահերթ համագումար հրավիրելու հարցը, այն կանցկացվի սեպտեմբերին:

Ըստ թեմայի

Մանվելի Գրիգորյանի հետքերով. ՊՆ–ն անմիջապես գեներալին ոչինչ չի փոխանցել
Ինչպե՞ս են Գեներալ Մանվելին դիմավորել «ԿԳԲ-ի պադվալում»
Մանվել Գրիգորյանի «հոգեպահուստի» մի մասը գտել են «Արա Լեռ»–ից և Միրզաջանից. տեսանյութ
Մանվելը պետք է պատժվեր Սեյրան Օհանյանից, Սաշիկ Սարգսյանից, Ծառուկյանից հետո. «Ժամանակ»
«Ես հավատում եմ ինձ, իմ ընկերներին, իմ երկրին, արդարադատությանը». գեներալ Մանվելի ուղերձը
Մանվել Գրիգորյանի փաստաբանը կոչ է արել Փաշինյանին ներողություն խնդրել պատգամավորից
«Զինվորի բաժին» մակագրությամբ սննդամթերք են գտել նաև Մանվել Գրիգորյանի` Արցախի առանձնատանը
թեգերը:
Մանվել Գրիգորյան, Հայաստան

Գլխավոր թեմաներ