ԵՐԵՎԱՆ, 10 հուլիսի — Sputnik. Չորրորդ սերնդի երկու բազմաթիրախային թեթև ռազմաճակատային ՄիԳ–29 կործանիչներ են մատակարարվել Հայաստանում տեղակայված Հարավային ռազմական օկրուգի (ՀՌՕ) «Էրեբունի» ռազմակայանին։ Այս մասին հայտնում է ՀՌՕ–ի մամուլի ծառայությունը։
«Արդիականացումից հետո ռուսական ավիացիոն ռազմակայան մատակարարված ՄիԳ–29 ինքնաթիռները թույլ են տալիս ապահով պահել օդային սահմանները ԱՊՀ երկրների ՀՕՊ–ի միացյալ համակարգի շրջանակում ու կանոնավոր ուսումնական թռիչքներ իրականացնել` միավորման ռազմական պատրաստության ծրագրի նորմատիվներին համաձայն», – նշվում է հաղորդագրության մեջ։
Միավորման ինժեներային տեխնիկական կազմը մեկ ամիս շարունակ ինքնաթիռներ է հավաքում, որից հետո օդանավակայանում հատուկ հարմարացված կայաններ են առանձնացնում։
Հայաստանի հյուսիսում՝ Գյումրի քաղաքում տեղակայված 102-րդ ռազմակայանը, մարտական հերթապահություն է իրականացնում ԱՊՀ մասնակից պետությունների ՀՕՊ Միավորված համակարգի շրջանակներում:
2010-ի օգոստոսի 20-ին բազայի տեղակայման մասին պայմանագրի գործողության ժամկետը երկարաձգել է մինչև 2044 թվականը. արձանագրությունը նախատեսում է նաև ընդլայնել աշխարհագրական եւ ռազմավարական պատասխանատվությունը: Բազան հագեցած է ԶՀՀ-300В, Բուկ Մ1-2, Միգ-29 կործանիչներով, Մի-8МТ կարգի ռազմա-տրանսպորտային ուղղաթիռներով և հարվածային Մի-24Պ-ով:
