19:30 19 հուլիսի 2018
Ուղիղ եթեր
  • USD480.60
  • GBP624.64
  • EUR557.74
  • RUB7.57
ՀՀ գլխավոր դատախազություն

Ստեփանավանում խարդախությամբ հափշտակված ավելի քան 15 մլն դրամի վնասը հատուցվել է

© Official site of the Prosecutor General's office of RA
Հայաստան
Ստանալ կարճ հղումը
15410

Ստեփանավանի սոցիալական ծառայությունների տարածքային գործակալության աշխատողները ստորագրել են նպաստառուների ցուցակներում հաշվառված անձանց անունների դիմաց և խարդախության եղանակով հափշտակել 15.248.500 ՀՀ դրամ։

ԵՐԵՎԱՆ, 11 հուլիսի – Sputnik. Քննչական կոմիտեի Լոռու մարզային քննչական վարչությունում քննվող քրեական գործով ձեռք բերված փաստական տվյալներով Վանաձորի սոցիալական ծառայության տարածքային գործակալության մասնագետը «Հայփոստ» ՓԲ ընկերության փոստային մասնաճյուղերի օպերատորների օժանդակությամբ Ազնվաձոր և Բազում համայնքներում բնակվող նպաստառուներից պահանջել և ստացել է առանձնապես խոշոր չափերի ապօրինի վարձատրություն: Այս մասին հայտնում է ՀՀ գլխավոր դատախազության մամուլի ծառայությունը։

Քրեական գործի նյութերի վերլուծությունը ցույց է տվել, որ կոռուպցիոն սխեմայում ներգրավված են եղել ոչ միայն ապօրինի վարձատրություն ստացողը, նրան օժանդակողները, այլև մեկ տասնյակից ավելի ապօրինի վարձատրություն տված անձինք, ինչը վկայում է, որ առերևույթ կատարված հանցագործության մասին իրազեկ անձանց շրջանակը բավականին ընդգրկուն է: Այս հանգամանքը հիմք է տվել կարծելու, որ մարզի վարչական տարածքում գործող սոցիալական ծառայության մյուս տարածքային գործակալություններում նմանատիպ կոռուպցիոն դրսևորումների հավանականությունը ևս մեծ է:

Ելնելով դրանից՝ Լոռու մարզի դատախազի կողմից դեռևս 14.05.2018թ. գրություն է հասցեագրվել ՀՀ ոստիկանության կազմակերպված հանցավորության դեմ պայքարի գլխավոր վարչության պետին՝ մարզի վարչական տարածքում գտնվող սոցիալական ծառայության մյուս տարածքային գործակալություններում նպաստների տրամադրման գործընթացում հնարավոր հանցավոր դրսևորումներն ու դրանց մեխանիզմները բացահայտելու ուղղությամբ օպերատիվ-հետախուզական ընդգրկուն միջոցառումներ ձեռնարկելու հանձնարարությամբ:

Իրականացված աշխատանքների արդյունքում օպերատիվ տեղեկություններ են ստացվել ՀՀ Լոռու մարզպետարանի Ստեփանավանի սոցիալական ծառայությունների տարածքային գործակալության աշխատողների կողմից չարաշահումներ թույլ տալու վերաբերյալ: Նախապատրաստված նյութերով պարզվել է, որ Ստեփանավանի ՍԾՏԳ թվով 4 աշխատակիցներ, օգտագործելով իրենց պաշտոնեական դիրքը, սկսած 2007թ.-ից, տարբեր ժամանակահատվածներում, մինչև 2018թ. հունիս ամիսը, առանց մի շարք քաղաքացիների գիտության, Ստեփանավանի տարածքային գործակալության համակարգչային բազայում կեղծ տեղեկություններ են մտցրել նրանց սոցիալապես անապահովության վերաբերյալ և ապօրինի ձևակերպել ընտանեկան նպաստներ:

Դրանց գումարները, նպաստառուների ցուցակներում հաշվառված նույն անձանց հանձնելու պատրվակով, նրանց անունների դիմաց ստորագրելով՝ «Հայփոստ» ՓԲԸ տվյալ տարածքներն սպասարկող փոստային բաժանմունքների փոստատարներից անձամբ ստացել և այդ կերպ խարդախության եղանակով հափշտակել են խոշոր չափերով ընդհանուր 15.248.500 ՀՀ դրամ:

Դեպքի առթիվ 2018 թվականի հունիսի 29-ին ՀՀ ոստիկանության Ստեփանավանի բաժնում հարուցվել է քրեական գործ:

Նախաքննության ընթացքում ենթադրաբար չարաշահումներ թույլ տրված աշխատակիցներն ամբողջությամբ հատուցել են պետությանը պատճառված առանձնապես խոշոր չափերի վնասը:

Ձեռնարկվում են անհրաժեշտ քննչական և այլ դատավարական գործողություններ՝ կոռուպցիոն սխեմայում ներգրավված իրավասու անձանց ամբողջական շրջանակը պարզելու, նրանց արարքին իրավական գնահատական տալու, ինչպես նաև պետությանը պատճառված վերջնական վնասի չափը ճշտելու ուղղությամբ:

Ըստ թեմայի

Բացահայտում. Ուրցաձորի գյուղապետը յուրացրել է մանկապարտեզին հատկացված 26 միլիոն դրամը
Նոր բացահայտում Մարտի 1-ի գործով. հետախուզում են ՀՀ պաշտպանության նախկին նախարարին
Նոր բացահայտում. գյուղնախարարության պաշտոնյաներն ավելի քան 1.4 մլրդ դրամ են փոշիացրել
Վարդենիսի դիահերձարանում ամեն հանգուցյալի համար 45 հազար դրամ են պահանջում. բացահայտում

Գլխավոր թեմաներ