21:08 13 նոյեմբերի 2018
Ուղիղ եթեր
  • USD488.68
  • GBP629.86
  • EUR549.03
  • RUB7.21
Երևան

Ազգային ժողովը ևս ներեց վարորդների կատարած խախտումները. համապատասխան օրինագիծն ընդունվեց

© Sputnik / Aram Nersesyan
Հայաստան
Ստանալ կարճ հղումը
12020

Օրենքը բոլոր խախտումների համար չէ, կան խախտումներ, որոնք գործած վարորդները չեն ներվի։

ԵՐԵՎԱՆ, 12 հուլիսի — Sputnik. Ազգային ժողովը երկրորդ ընթերցմամբ և ամբողջությամբ ընդունեց ճանապարհային երթևեկության տուգանքների համաներման օրենքի նախագիծը: Այն ընդունվեց 68 կողմ, 1 դեմ, 2 ձեռնպահ ձայներով:

ՀՀ արդարադատության նախարար Արտակ Զեյնալյանն ԱԺ ամբիոնից հայտարարեց, որ օրենքի ընդունումից կօգտվի 150 հազար քաղաքացի, կներվի 13,7 միլիոն դրամ տուգանք։ Այն կարգավորում է մինչև 2017 թվականի դեկտեմբերի 31-ը վարչական իրավախախտում կատարած անձանց նկատմամբ համաներման հետ կապված հարաբերությունները:

Օրենքը չի տարածվի մի շարք իրավախախտումների վրա։ Դրանք են, օրինակ, առանց համապատասխան թույլտվության տրանսպորտային միջոցի վրա կարմիր ու կապույտ լուսային ազդանշանով առկայծող փարոսիկներ, հատուկ ձայնային ազդանշաններ արձակելու սարքավորումներ տեղադրելը, ինչպես նաև օպերատիվ ծառայությունների տրանսպորտային միջոցների համար նախատեսված գունածածկապատկերներ օգտագործելը։ Առանց հաշվառման համարանիշի կեղծված կամ փոխարինված հաշվառման համարանիշով տրանսպորտային միջոցներ վարելը։ Տրանսպորտային միջոցը տնօրինողի կողմից հաշվառման համարանիշն այլ անձին հանձնելը։ Ոչ սթափ վիճակում մեքենա վարելը, ոստիկանի «կանգ առ» ազդանշանին չենթարկվելը, առանց ԱՊՊԱ կտրոնը փակցնելու երթևեկելը:

Հիշեցնենք, որ հուլիսի 4–ի նիստում ՀՀ կառավարությունն ընդունեց վարչական իրավախախտումների համար կիրառված տուգանքների համաներման մասին նախագիծը:Կառավարությունը հաստատեց ներկայացված նախագիծն ու ուղարկվեց ԱԺ` արտահերթ նիստում քննարկելու համար:

Ըստ թեմայի

Հայաստանում կներեն ֆիզիկական անձանց հարկերի ու վարկերի տույժ ու տուգանքները
Ոչ մի «սև աշխատող». Հայաստանում կվերանայեն ստվերային տնտեսության տուգանքները
Հայաստանի բանկերը կարող են քաղաքացիներին ներել վարկերն ուշացնելու տուգանքները
թեգերը:
Հայաստանի խորհրդարան (ՀՀ ԱԺ), Հայաստան

Գլխավոր թեմաներ