22:45 19 նոյեմբերի 2018
Ուղիղ եթեր
  • USD485.09
  • GBP624.17
  • EUR554.26
  • RUB7.37
Զինծառայողներ

Ի՞նչ ճակատագիր կունենա «1000 դրամների» հիմնադրամը. ՊՆ–ի մեկնաբանությունը

© Photo : press office of the MoD of RA
Հայաստան
Ստանալ կարճ հղումը
448 0 0

Պաշտպանության նախարարի խորհրդական Գեղամ Հարությունյանը վստահեցնում է, որ անցյալ 2017թ–ից գործող հիմնադրամն անհրաժեշտություն է։

ԵՐԵՎԱՆ, 13 հուլիսի — Sputnik. «1000 դրամների հիմնադրամ» պայմանական անունը ստացած «Զինծառայողների ապահովագրության հիմնադրամն» անխափան գործում է։ Այս մասին այսօր լրագրողների հետ հանդիպման ժամանակ ասաց պաշտպանության նախարարի խորհրդական Գեղամ Հարությունյանը` ի պատասխան Sputnik Արմենիայի հարցի, թե արդյո՞ք հիմնադրամներում բացահայտված խնդիրների համատեքստում անհրաժեշտություն չի առաջացել վերանայելու նաև պաշտպանության ոլորտում գործող հիմնադրամների աշխատանքը։

««1000 դրամների հիմնադրամը գործել է և գործելու է։ Հիմնադրամն անհրաժեշտ է, որովհետև այս ոլորտում մենք խնդիր ունենք, որի լուծմանը մեծապես աջակցում է հենց հիմնադրամը»,- ասաց նա։

Միակ խնդիրը, Հարությունյանի համոզմամբ, հիմնադրամի վճարումների համահավասարության սկզբունքն է։

«Ես այս որոշումը ճիշտ եմ համարել նաև այն ժամանակ, երբ կայացվեց։ Միակ իմ վերապահումն այն է եղել, որ հավասար մոտեցման փոխարեն կարող էր կիրառվել 1%-ի մոտեցում` ըստ եկամտի։ Այսինքն` եթե ես ստանում եմ 300 000 դրամ, ես կվճարեի 3000 դրամ, իսկ նա, ով ստանում է 800 000 դրամ, կա կվճարեր 8000 դրամ»,- ասաց Հարությունյանը։

Ինչ վերաբերում է «Մարտիկ» հիմնադրամին ու դրա վերաբերյալ հարուցված քրեական գործին, Հարությունյանը նշեց, որ այդ հիմնադրամի գործունեությունից անտեղյակ է և ինքը չէ այն իրավասու պաշտոնյան, ով կարող է որոշակի տեղեկություններ հայտնել։

««Մարտիկ» հիմնադրամի գործունեությանը տեղյակ չեմ` ինչ միջոցներ են հավաքել, ինչ ծրագրեր են հաստատել և ինչպես են ծախսվել»,- ասաց նա։

Այդուհանդերձ, նախարարի խորհրդականը հայտնեց, որ «Մարտիկ» հիմնադրամի ծրագրերը` այցելություններ զինծառայողներին, Նոր տարվա նվերներ, սոցիալական աջակցություն ազատամարտիկներին, բուժման ֆինանսական աջակցություն և այլն, իրականացվել են հենց ՊՆ-ի կողմից։

Հիշեցնենք` հուլիսի 10-ին ՀՀ քննչական կոմիտեն հայտարարեց, որ քրեական գործ է հարուցվել «Մարտիկ» հիմնադրամում արձանագրված չարաշահումների դեպքով։

Գործի հարուցման համար հիմք է հանդիսացել Երևանի ավագանու «Ելք» խմբակցության անդամ Անահիտ Բախշյանի դիմումը, ըստ որի` 2008-2017 թթ.- ին «Մարտիկ» հիմնադրամի գործադիր տնօրենի կատարած վարչական ծախսերը 10 տոկոսով կամ 26 191 377 ՀՀ դրամով գերազանցել են ընդհանուր ծախսերը։

Ըստ թեմայի

ՊՆ–ում ներկայացրել են զորակոչիկների բուժզննման գործընթացի մանրամասները
Զոհված զինվորականների եղբայրներին և երեխաներին կազատեն ծառայությունից
«Մարտիկ» հիմնադրամի նախագահը ծախսել է զինվորների փողերը. քրեական գործ է հարուցվել
Հասարակ զինվոր, թե՞ «ազգը փրկողի» որդի. կրտսեր Փաշինյանը կոտրում է կարծրատիպերը
Նիկոլ Փաշինյանը ճաշեց զինվորների հետ ու գոհ մնաց. տեսանյութ
Երբ կարող են ծնողները տեսնել բանակային որդիներին, և քանի օրով կարող են զինվորները տուն գալ
Հրամանատարները չեն կարող ուղղորդել զինվորների քվեարկությունը. Հարությունյան

Գլխավոր թեմաներ