06:41 20 սեպտեմբերի 2019
Ուղիղ եթեր
  • USD476.26
  • GBP593.94
  • EUR526.74
  • RUB7.42
Սևան

Սևանը միայնակ չէ, ծաղկել են Հայաստանի գրեթե բոլոր լճերը

© Sputnik / Janna Poghosyan
Հայաստան
Ստանալ կարճ հղումը
18810

ՀՀ բնապահպանության նախարար Էրիկ Գրիգորյանն այսօր անդրադարձել է Սևանա լճում առաջացած վտանգավոր ջրիմուռների խնդրին:

ԵՐԵՎԱՆ, 26 հուլիսի — Sputnik. Կապտականաչ ջրիմուռներ այս օրերին նկատվում են ոչ միայն Սևանա լճում, այլև հայաստանյան այլ ջրավազաններում: Այսօր, կառավարության նիստից առաջ, լրագրողների հետ զրույցում ասաց բնապահպանության նախարար Էրիկ Գրիգորյանը:

Նրա խոսքով` դրանց առաջացման պատճառները մի քանիսն են` սակավ տեղումներ, բարձր ջերմաստիճան, կեղտաջրերի մեծ ծավալներ:

«Բնապահպանական մասով հիմնական ուսումնասիրությունները կանենք այս ամսվա վերջին, ամեն դեպքում` նախնական հետազոտությունները ցույց են տալիս, որ ազոտի քանակությունը նորմայի մեջ է»,- ասաց նախարարը:

Գրիգորյանը հայտնեց նաև, որ վարչապետի հրամանով ստեղծված փաստահավաք խումբը Ամուլսարում արդեն սկսել է ուսումնասիրությունները: Այն ղեկավարում է բնապահպանական տեսչության մարմնի ղեկավարը:

Հիշեցնենք, որ վերջին օրերին Սևանում ջրիմուռների թիվն այնքան է շատացել, որ տպավորություն կա, թե լիճը ծաղկել է։ Sputnik Արմենիայի հետ զրույցում ԵՊՀ էկոլոգիայի և բնության պահպանության ամբիոնի դոցենտ, Հիդրոէկոլոգիայի և ձկնաբանության ինստիտուտի ավագ գիտաշխատող Լուսինե Համբարյանը նշեց, որ շոգն ու ջերմաստիճանի բարձրացումը ամենաակնհայտ պատճառներն են, բայց հետազոտությունները ցույց են տալիս, որ պատճառների թվում է լճում ֆոսֆորի պարունակության ավելացումը, ինչպես նաև ջրի մակարդակի տատանումները։

Մասնագետները նշում են, որ ջրային ավազանների ծաղկումը կամ դրանում վտանգավոր ջրիմուռների առաջացումը ոչ միայն Հայաստանի, այլև համաշխարհային խնդիր է, որը հանգեցնում է քաղցրահամ ջրերի որակի վատթարացման։ Իսկ դրա հիմնական պատճառն աշխարհում համարվում է գլոբալ ջերմացումը, որից անմասն չէ նաև Հայաստանը։

Ըստ թեմայի

Սևանա լճի որոշ հատվածներում լողալը վտանգավոր է. զգուշացնում է նախարարությունը
Հայաստանի ոսկին` Սևանա լիճը. ի՞նչ պետք է անեն իշխանություններն այն պահպանելու համար
Դանիելյան. «Սևանա լճին այդպես հարվածելը սխալ էր»
Ողջույն տիեզերքից. Սևանա լիճը` ռուս տիեզերագնացի դիտակետից
թեգերը:
Էրիկ Գրիգորյան, Սևան, Հայաստան

Գլխավոր թեմաներ