14:33 20 հուլիսի 2019
Ուղիղ եթեր
  • USD476.48
  • GBP596.79
  • EUR535.52
  • RUB7.56
Դիանա Գասպարյան

«Փորձեք մարսել այս թվերը». Էջմիածնի քաղաքապետն ապշած է քաղաքում կատարված չարաշահումներից

© Photo: official site of Etchmiadzin municipality
Հայաստան
Ստանալ կարճ հղումը
88520

Քաղաքային միջոցառումների անվան տակ Էջմիածնի քաղաքապետարանը 4 տարվա ընթացքում ծախսել է 169,119,235 ՀՀ դրամ։

ԵՐԵՎԱՆ, 29 հուլիսի — Sputnik. Էջմիածնի քաղաքապետի ժամանակավոր պաշտոնակատար Դիանա Գասպարյանը ֆեյսբուքյան իր էջում հետաքրքիր հետազոտության արդյունքներ է ներկայացրել, որոնց համաձայն` Էջմիածնի քաղաքապետարանն աստեղային գումարներ է ծախսել, կամ ավելի ճիշտ` մսխել քաղաքային միջոցառումների վրա։

«2014-2018թթ․ Էջմիածնի քաղաքապետարանը «Համաքաղաքային միջոցառումների կազմակերպում» տողի ներքո ծախսել է 169,119,235 ՀՀ դրամ։ Ըստ տարիների ծախսվել են հետևյալ գումարները․

— 2014 թվականին՝ 44,568,560 ՀՀ դրամ,

— 2015 թվականին՝ 44,264,851 ՀՀ դրամ,

— 2016 թվականին՝ 35,073,574 ՀՀ դրամ,

— 2017 թվականին՝ 45,212,250 ՀՀ դրամ։

Այսպես, համաքաղաքային միջոցառումների կազմակերպման, ապրանքների գնման, ինչպես նաև ծառայությունների մատուցման համար գումարները տրամադրվել են հիմնականում մեկ Ա/Ձ-ի, որը, հարկային մարմիններում գրանցված լինելով բոլորովին այլ գործունեության տեսակով, պարզվում է՝ բավական բազմաֆունկցիոնալ է եղել և բոլոր միջոցառումներին ընդառաջ (ենթադրաբար) ձեռք է բերել սնունդ, կենցաղային ապրանքներ,մատուցել ծառայություններ, անգամ քաղաքապետարանի համար ձեռք բերել ոսկյա մատանիներ՝ Տյառնընդառաջի տոնին նորապսակներին նվիրելու համար»,–գրել է Գասպարյանը։

Նա հարց է բարձրացնում`ինչու՞ ամեն ապրանքի կամ ծառայության համար չդիմել մասնագիտացված կազմակերպության, այլ օգտվել ինչ-որ միջնորդ Ա/Ձ-ից, որը «շատ մեծ հավանականությամբ, ժողովրդական լեզվով ասած, փայ է մտել իր միջնորդական առաքելության արդյունքում»։

Քաղաքապետի պաշտոնակատարին զարմացրել են հյուրասիրության վրա արված ծախսերը։ Այս առումով ռեկորդակիր է 2017 թվականը՝ 10,894,000 ՀՀ դրամ հյուրասիրությունների գումարով։

«Ընդհանրացնելով՝ կարելի է փաստել, որ համաքաղաքային միջոցառումների համար «ծախսված» գումարները թվում են խիստ կասկածելի, ուռճացված և չհիմնավորված։

Վերջում պարզապես մի քանի հետաքրքրական թիվ․

Հրավառություններ՝ 9․150․000 ՀՀ դրամի, որից 2014 թվականին՝ 1,550,000 ՀՀ դրամ, 2015 թվականին՝ 1,000,000 ՀՀ դրամ, 2016 թվականին՝ 3,200,000 ՀՀ դրամ և 2017 թվականին՝ 3,400,000 ՀՀ դրամ։ Կրծքանշաններ՝ 6,544,240 ՀՀ դրամի, որից 5,004,000 ՀՀ դրամը միայն 2015 թվականին։

Դե փորձեք մարսել այս թվերը՝ առանց հիշելու մանկապարտեզների պատուհաններն ու հնամաշ գույքը»,–գրել է Գասպարյանը։

Վերջում նա հիշեցրել է, որ համաձայն «Տեղական ինքնակառավարման մասին» ՀՀ օրենքի՝ նշված բոլոր գումարները պետք է տրամադրվեին ավագանու որոշումներով, այնինչ քաղաքապետը դրանք տրամադրել է սեփական միանձնյա որոշումներով։

Հիշեցնենք, որ հունիսի 17–ին ԱԱԾ–ի հրապարակած գեներալ–լեյտենանտ, ԱԺ պատգամավոր Մանվել Գրիգորյանի կատարած չարաշահումների մասին տեսանյութի հրապարակումից հետո նրա որդին` Էջմիածնի քաղաքապետ Կարեն Գրիգորյանը հրաժարական տվեց։

Ըստ թեմայի

Կզրկվի արդյո՞ք Մանվել Գրիգորյանն Էջմիածնի պատվավոր քաղաքացու կոչումից` կորոշի էջմիածնեցին
Էջմիածնի նոր քաղաքապետը բացահայտում է Մանվել Գրիգորյանի որդու հնարավոր չարաշահումները
Մանվել Գրիգորյանի որդին հրաժարվեց Էջմիածնի քաղաքապետի պաշտոնից
թեգերը:
Հայաստան

Գլխավոր թեմաներ