00:00 21 օգոստոսի 2019
Ուղիղ եթեր
  • USD475.90
  • GBP575.55
  • EUR527.39
  • RUB7.13
Երևանի քաղաքապետարան

ԲՀԿ–ն հրապարակել է Երևանի քաղաքապետի իր թեկնածուի անունը

© Sputnik / Asatur Yesayants
Հայաստան
Ստանալ կարճ հղումը
Երևանի ավագանու ընտրություններ 2018 (109)
62010

ԲՀԿ–ն խախտեց լռությունը։ Կուսակցությունը որոշել է, թե ով է գլխավորելու Երևանի ավագանու նախընտրական ցուցակը։

ԵՐԵՎԱՆ, 2 օգոստոսի — Sputnik. «Բարգավաճ Հայաստան» կուսակցության Երևանի քաղաքապետի թեկնածուն Նաիրա Զոհրաբյանն է։ Այս մասին իր ֆեյսբուքյան էջում հայտնել է ԲՀԿ մամուլի խոսնակ Վանիկ Էլիզբարյանը։

Նրա գրառման համաձայն` Երևանի ավագանու ԲՀԿ նախընտրական ցուցակը կգլխավորի ԱԺ «Ծառուկյան» խմբակցության պատգամավոր, ԲՀԿ քաղաքական խորհրդի քարտուղար Նաիրա Զոհրաբյանը։

«ԱԺ «Ծառուկյան» խմբակցության պատգամավոր, ԲՀԿ քաղաքական խորհրդի քարտուղար Նաիրա Զոհրաբյանը կգլխավորի ԲՀԿ Երևանի ավագանու նախընտրական ցուցակը, եռյակում կլինեն Պետրոս Ղազարյանը և Արման Աբովյանը»,- գրել է նա։

Հիշեցնենք` 2011թ.–ից Երևանի քաղաքապետի պաշտոնը զբաղեցնող Հայաստանի Հանրապետական կուսակցության անդամ Տարոն Մարգարյանը այս տարվա հուլիսի 9–ին հրաժարական տվեց։

Քաղաքապետի ընտրության նպատակով հրավիրված ավագանու արտահերթ նիստը հուլիսի 16-ին չկայացավ` քվորումի բացակայության պատճառով, քանի որ ՀՀԿ–ն և «Ելքը» նախապես հայտարարել էին, որ չեն մասնակցելու նիստին և պատրաստվում են արտահերթ ընտրությունների։ Քաղաքացիական պայմանագիրն արդեն հայտարարել է` քաղաքապետի իր թեկնածուն Հայկ Մարությանն է։

Ավագանու արտահերթ ընտրությունն անցկացվում են ավագանին ցրելու մասին կառավարության որոշումից 30-40 օր հետո։

թեմա:
Երևանի ավագանու ընտրություններ 2018 (109)

Ըստ թեմայի

Ո՞վ կհագնի քաղաքապետի ծիրանին «Ելքի» պառակտման պարագայում
Երևանը մնաց առանց քաղաքապետի. քվորում չլինելու պատճառով ավագանու նիստը չկայացավ
«Ելքը» բոյկոտում է քաղաքապետի ընտրությունը
Էջմիածնի քաղաքապետարանը օրական 20 հազար դրամի ծաղիկ է գնել. նոր քաղաքապետի բացահայտումը

Գլխավոր թեմաներ