07:51 17 օգոստոսի 2018
Ուղիղ եթեր
  • USD483.14
  • GBP613.64
  • EUR549.38
  • RUB7.23
Արթուր Վանեցյան

Ովքե՞ր են Մարտի 1–ին կրակել Աբրահամյանների տանը հայտնաբերված զենքերից. ԱԱԾ պետ

© Sputnik / Aram Nersesyan
Հայաստան
Ստանալ կարճ հղումը
«Մարտի 1»-ի գործը (111)
365811

Հովիկ Աբրահամյանի տանը գտված զենքերից, ըստ նախնական վարկածի, մարտի 1-ին կրակել են թիկնազորի անդամներն ու կողմնակիցները:

ԵՐԵՎԱՆ, 9 օգոստոսի — Sputnik. ԱԱԾ-ն օպերատիվ տվյալներ է ստացել, որ Ջոնիկ Աբրահամյանին պատկանող տարածքում թաքցված են զենքեր, որոնք կարող են առնչություն ունենալ Մարտի 1-ի հետ: Այսօր լրագրողների հետ զրույցում, անդրադառնալով երեկվա աղմկահարույց բացահայտմանը, ասաց ԱԱԾ նախագահ Արթուր Վանեցյանը:

«Բայց դա դեռ վարկած է: Արդյունքները պարզ կլինեն համապատասխան փորձաքննություններից հետո»,- ասաց նա:

Զենքերը, նախնական վարկածով, օգտագործվել են Աբրահամյանների թիկնազորի անդամների կողմից:

«Ես չեմ կարող ասել, որ դա Հովիկ Աբրահամյանի կողմնակիցներն են: Ես կարող եմ միայն ասել, որ նախկինում և ներկայում իրականացվող միջոցառումների արդյունքում հայտարարվել է, որ Մարտի 1-ի դեպքերին մասնակցել են այլ անձինք, որոնք իրավապահ համակարգի ներկայացուցիչներ չեն եղել: Եղել են թիկնապահներ, չակերտավոր կողմնակիցներ և այլն: Ես չեմ նշելու Հովիկ Աբրահամյանի անունը, որ դրանք եղել են իր կողմնակիցները: Հայտնաբերվել են զենքեր, որոնք եղել են Հովիկ Աբրահամյանին պատկանող տարածքում»,- ասաց ԱԱԾ նախագահը:

Ինչ վերաբերում է նախկին վարչապետ Հովիկ Աբրահամյանին, ԱԱԾ պետն այդ հարցով դիմել է Հատուկ քննչական ծառայության ղեկավարին` նշելով միայն, որ նախկին վարչապետն այսօր Հայաստանում է:

Հիշեցնենք, որ երեկ` օգոստոսի 8–ին ՀՀ ԱԱԾ–ն տեղեկացրեց, որ ՀՀ հատուկ քննչական ծառայության վարույթում գտնվող, 2008 թվականի մարտի 1-ից 2-ն ընկած ժամանակահատվածում Երևան քաղաքում տեղի ունեցած դեպքերի վերաբերյալ քրեական գործի շրջանակներում ՀՀ ազգային անվտանգության ծառայության աշխատակիցների կողմից իրականացված օպերատիվ-հետախուզական միջոցառումների արդյունքում տվյալներ են ստացվել, որ ՀՀ նախկին վարչապետ Հովիկ Աբրահամյանին փաստացի պատկանող, Ամբիկ Գևորգյանի անվամբ ձևակերպված` ՀՀ Արարատի մարզի Մխչյանի նախկին մեխանիկա-վերանորոգման գործարանում ապօրինի պահվում է մեծ քանակությամբ զենք և ռազմամթերք:

Ապօրինի կերպով հրազեն և ռազմամթերք ձեռք բերելու և պահելու կասկածանքով ձերբակալվել են Ամբիկ Գևորգյանն ու Հովիկ Աբրահամյանի եղբայրը` Հենրիկ Աբրահամյանը:

թեմա:
«Մարտի 1»-ի գործը (111)

Ըստ թեմայի

ԱԱԾ աղմկահարույց բացահայտումներից հետո Լիսկան իր տղաների հետ լքել է երկիրը. ՀԺ
ԱԱԾ ղեկավարն անդրադարձավ Ադրբեջանում գերեվարված Կարեն Ղազարյանի խնդրին
ԱԱԾ–ն առաջիկայում կոռուպցիոներների նոր անուններ կհնչեցնի
ԱԱԾ–ն պատրաստվում է հարցաքննել Տարոն Մարգարյանին
Կրկին Նարեկ Սարգսյանը. նախաքննությունը հանձնարարվել է ԱԱԾ քննչական վարչությանը
ԱԱԾ–ի ներկայացուցիչը պարզաբանում է ուրիշի ավտոմեքենայով Վրաստան մուտք գործելու կանոնները
թեգերը:
ՀՀ Ազգային Անվտանգության ծառայություն. ԱԱԾ, Արթուր Վանեցյան, Հայաստան

Գլխավոր թեմաներ