15:16 17 դեկտեմբերի 2018
Ուղիղ եթեր
  • USD484.87
  • GBP609.92
  • EUR547.37
  • RUB7.30
Յուրի Խաչատուրով

Յուրի Խաչատուրովի փաստաբանը դիմել է վերաքննիչ դատարան

© Sputnik / Aram Nersesyan
Հայաստան
Ստանալ կարճ հղումը
«Մարտի 1»-ի գործը (142)
27340

Խաչատուրովի նկատմամբ կալանավորումը թույլատրելի ճանաչելը Միհրան Պողոսյանի համոզմամբ անօրինական է։

ԵՐԵՎԱՆ, 10 օգոստոսի — Sputnik. ՀԱՊԿ նախագահ Յուրի Խաչատուրովի պաշտպան Միհրան Պողոսյանը բողոք է ներկայացրել ՀՀ վերաքննիչ քրեական դատարան` իր պաշտպանյալի նկատմամբ կալանավորումը թույլատրելի ճանաչելու մասին ընդհանուր իրավասության դատարանի որոշման դեմ:

Այս մասին Sputnik Արմենիայի հետ զրույցում ասաց Խաչատուրովի փաստաբան Միհրան Պողոսյանը։

«Դատարանը որևէ փաստական տվյալ չի ներկայացրել, ինչով կհիմնավորվի Խաչատուրովի առնչությունն առաջադրված մեղադրանքին, դրա համար մենք դիմել ենք վերաքննիչ դատարան` վիճարկելու նրա նկատմամբ կալանավորումը թույլատրելի ճանաչելու փաստը»,-ասաց փաստաբանը` հավելելով, որ այդ որոշումը վիճահարույց է նրանով, որ կալանքի միջնորդությունը քննելիս, դատարանը հանգել է այն հետևության, որ սույն գործով կալանավորումը թույլատրելի է, բայց միևնույն ժամանակ փաստել է, որ Խաչատուրովին առաջադրված մեղադրանքի վերաբերյալ հիմնավոր կասկած առկա չէ։

Փաստաբանի խոսքով` դատարանի որոշման մեջ առկա են նաև այլ խախտումներ, մասնավորապես` միջազգային կոնվենցիայով երաշխավորված` արդար դատավարության և անձի անձեռնմխելիության իրավունքների խախտումները։

Հիշեցնենք` հուլիսի 28-ին Երևանի ընդհանուր իրավասության դատարանի դատավոր Դավիթ Բալայանը Յուրի Խաչատուրովի նկատմամբ կալանավորումը որպես խափանման միջոց ընտրելու միջնորդության քննության արդյունքում նախ որոշել էր բավարարել միջնորդությունը, ապա մեղադրյալի նկատմամբ այլընտրանքային խափանման միջոց` գրավ կիրառելու որոշում կայացրել:

Որպես այլընտրանքային խափանման միջոց գրավը ճանաչել էր թույլատրելի: Գրավի չափ էր սահմանվել 5 մլն դրամը, ինչը վճարելուց հետո Խաչատուրովն ազատվել էր արգելանքից:

Խաչատուրովին մեղադրանք է առաջադրվել 2008 թվականի մարտի 1-ից 2-ն ընկած ժամանակահատվածում Երևան քաղաքում տեղի ունեցած իրադարձությունների վերաբերյալ ՀՀ հատուկ քննչական ծառայությունում քննվող քրեական գործով, այն բանի համար, որ նա այլ անձանց հետ նախնական համաձայնությամբ տապալել է ՀՀ սահմանադրական կարգը:

Նշենք, որ ներկայումս Խաչատուրովը Մոսկվայում է և իրականացնում է իր` ՀԱԿՊ գլխավոր քարտուղարի պարտականությունները:

թեմա:
«Մարտի 1»-ի գործը (142)

Ըստ թեմայի

Խաչատուրովին հետ կանչելու վերաբերյալ Երևանի հարցման մասին ՀԱՊԿ–ը տվյալներ չունի
ՀԱՊԿ գլխավոր քարտուղարի թեկնածություն չի քննարկվել, իսկ ՊՆ գնումներում դեռ խնդիր կա
Խաչատուրովը շարունակում է մնալ ՀԱՊԿ գլխավոր քարտուղար. Բալայան
ՀԱՊԿ գլխավոր քարտուղարի շուրջ ստեղծված իրավիճակը քննարկել են ՌԴ և Բելառուսի ԱԳ նախարարները
Պետք է զգոն լինել ու գիտակցել, որ ՀԱՊԿ-ը մեզ համար այլընտրանք չունի. Շարմազանով
թեգերը:
Հավաքական անվտանգության պայմանագիր կազմակերպություն (ՀԱՊԿ), Հայաստան

Գլխավոր թեմաներ