22:55 16 դեկտեմբերի 2018
Ուղիղ եթեր
  • USD484.87
  • GBP609.92
  • EUR547.37
  • RUB7.30
Կարկուտ

Փոխվարչապետը խոստանում է մենակ չթողնել գյուղացիներին.այցելություն կարկուտից տուժած գյուղեր

galatv
Հայաստան
Ստանալ կարճ հղումը
120 0 0

Փոխվարչապետը խոստացել է հետևողականորեն աշխատել, որ հաջորդ տարի ունենանք գյուղացիական տնտեսությունների ապահովագրության համակարգ, գործուն հակակարկտային կայաններ։

ԵՐԵՎԱՆ, 12 Օգոստոս — Sputnik. ՀՀ 1–ին փոխվարչապետ Արարատ Միրզոյանն աշխատանքային խմբով այսօր այցելել է Արմավիրի մարզի կարկուտից տուժած համայնքներ։ Այս մասին նա գրել է ֆեյսբուքյան իր պաշտոնական էջում։

«Այսօր այցելեցինք Արմավիրի մարզի Բամբակաշատ, Մրգաշատ, Ալաշկերտ և այլ համայնքներ, որտեղ երկու օր առաջ կարկուտն ու փոթորիկը մեծ վնասներ էին հասցրել բերքին և ենթակառուցվածքներին։

Վստահ ենք, որ կառավարությունը չպետք է միայնակ թողնի գյուղացիներին այս աղետի հետևանքների մեղմման գործում։ Վաղվանից կսկսվեն վնասի գնահատման աշխատանքները, որից հետո կառավարությունը կքննարկի գյուղացիական տնտեսություններին հնարավոր աջակցության չափը»,–խոստացել է փոխվարչապետը։

Այնուհանդերձ, Արարատ Միրզոյանը կարծում է, որ անհրաժեշտ են համակարգային լուծումներ, որպեսզի արդեն հաջորդ տարի լինի գյուղացիական տնտեսությունների ապահովագրության համակարգ, գործուն հակակարկտային կայաններ, տարածում գտնեն հակակարկտային ցանցերը։

Հիշեցնենք, որ օգոստոսի 10–ին Արմավիրի մարզի որոշ համայնքներում տեղացած կարկուտը և ուժեղ քամին զգալի վնաս են հասցրել գյուղացիական տնտեսություններին` արմատախիլ անելով ծառել, պոկելով դեռ չհասած խաղողի ճյուղեր, վնասելով այլ մշակաբույսերի արտեր։

Ըստ թեմայի

Հայկական միրգը մյուս տարվանից ուզում են ապահովագրել կարկուտից. փոխնախարար
Հայաստանը կարկուտից պաշտպանելու համար անհրաժեշտ է 1.2 մլն դոլար
Հայաստանում կարկուտից տուժել են 4 գյուղ. վնասն արդեն հաշվում են
Կառավարությունը դեռ կորոշի, թե ինչպես վարվել կարկուտից տուժած համայնքների հետ
թեգերը:
Արարատ Միրզոյան, Հայաստան

Գլխավոր թեմաներ