06:11 18 հոկտեմբերի 2018
Ուղիղ եթեր
  • USD483.90
  • GBP635.94
  • EUR559.68
  • RUB7.38
Ակցիա. արխիվային լուսանկար

Հոգնել ենք «հարկային տեռորից». Արտաշատում առևտրականները բողոքի ակցիա են իրականացնում

© Sputnik / Andranik Ghazaryan
Հայաստան
Ստանալ կարճ հղումը
15110

Առևտրով զբաղվողները պահանջում են, որ օրենքի փոփոխություններ կատարվեն և թույլ տան, որ բացի հարկ վճարելուց առևտրականները նաև եկամուտ ունենան:

ԵՐԵՎԱՆ, 13 օգոստոսի — Sputnik. Արտաշատում բողոքում են «հարկային տեռորի» դեմ։ Այսօր վաղ առավոտից քաղաքում բողոքի ակցիա է: Մարզի մանր ու միջին ձեռնարկատերը փակել են իրենց խանութներն ու հավաքվել են Արտաշատի ՊԵԿ եկամուտների մասնաճյուղի դիմաց և պահանջում են դադարեցնել, իրենց խոսքով՝ «հարկային տեռորը»:

Բողոքի ակցիայի մասնակիցները ասում էին, որ Արտաշատի ՊԵԿ տարածքային վարչության պետ Ռաշիդ Մախմուդյանը նախկինում օգտագործել է հանրապետականների հետ կապերը և անօրինական կերպով տեռորի ենթարկել միջին և փոքր բիզնեսի ներկայացուցիչներին:

«Մեր բողոքի պատճառը առևտրի կենտրոնների նկատմամբ հարկային տեսչության մարմինների կոռուպցիոն գործելաոճն է: Նախապես անօրինականություններ են դրսևորում տնօրենների նկատմամբ, խոշոր գումարներ պահանջում և պատժում չտվողներին: Երկար տարիներ է այս իրավիճակը: Չարաշահում են իրենց կոչումը, պաշտոնը։ Եթե այս մարդիկ կոչված են բնակչությանը սպասարկելու, ապա պետք է իմանան, որ անթերի առևտուր չի լինում: Յուրաքանչյուր մազաչափ թերությունը խոշորացնել, դարձնել կոռուպցիոն հարց և մարդկանց ստիպել վերջին կոպեկը տալ իրենց, սխալ »,-հայտարարեց բողոքի ակցիայի մասնակիցներից մեկը:

Փոքր և միջին բիզնեսի ներկայացուցիչները պնդում են, որ եթե իրենց պահանջները չկատարվեն, պատրաստ են փակել Արտաշատի կենտրոնական, ինչպես նաև Երևան տանող ճանապարհները:

Առևտրով զբաղվողները պահանջում են, որ օրենքի փոփոխություններ կատարվեն և թույլ տան, որ բացի հարկ վճարելուց առևտրականները նաև եկամուտ ունենան:

Լրագրողների հետ զրույցում նրանցից մեկն էլ նշեց, որ գանձվում են գումարներ՝ առանց հաշվի առնելու խանութի չափն ու շրջանառությունը, իրենց ֆինանսական վիճակը: «Մենք բողոքում ենք մեր հարկային գանձումների բաժնի պետ պարոն Մախմուդյան Ռաշիդի դեմ, որ իրեն համակարգից ընդհանրապես հեռացնեն։ Ինքը հանրապետական պատգամավոր Ռուստամ Մախմուդյանի եղբայրն է»,-հայտարարեց մի տղամարդ:

Դիմելով վարչապետ Նիկոլ Փաշինյանին՝ առևտրականը հիշեցրեց, որ խոստացել է ձեռք մեկնել մանր ու միջին բիզնեսին:

Ակցիան շարունակվում է, բողոքավոր առևտրականների թիվը շարունակում է ավելանալ:

Ըստ թեմայի

Իջեցնել եկամտահարկը, բարձրացնել ՀՆԱ՞–ն. կառավարությունը հարկային փոփոխություններ կառաջարկի
Հարկային ծառայությունները հասան Սամվել Կարապետյանի ու Վահրամ Բաղդասարյանի օբյեկտներին
Հարկային մարմինը չի պայմանավորվել, որ սուպերմարկետներն ավելի քիչ հարկ են վճարելու
Փաշինյանը հասավ Ծառուկյանի՞ն. հարկային մարմինը տուգանում է օլիգարխի գազալցակայանները
Որ երես չառնեն. Հայաստանի հարկային ծառայությունն այլևս «կոնֆետ չի բաժանի»
թեգերը:
Հայաստան

Գլխավոր թեմաներ