ԵՐԵՎԱՆ, 16 օգոստոսի — Sputnik. Հայաստանում կտրուկ փոփոխություններ են տեղի ունենում, որոնք անդրադառնում են նաև առողջապահության ոլորտի վրա։ Այս մասին այսօր Երևան–Մոսկվա տեսակամրջի ընթացքում ասաց բնիկ երևանցի, հանրահայտ սրտաբան, ՌԳԱ ակադեմիկոս, Ռուսաստանի առողջապահության նախարարության ռենտգենէնդովասկուլյարային ախտորոշման գլխավոր մասնագետ Բագրատ Ալեքյանը:
«Ես ուշադիր, մեծ հուզմունքով հետևում եմ իմ պատմական հայրենիքում տեղի ունեցող իրադարձություններին։ Հայաստանում եզակի հեղափոխություն է տեղի ունեցել, ոչ մի կաթիլ արյուն չի թափվել, ինչը շատ ուրախալի է», – ասաց Ալեքյանը, որը հունիսի վերջին Երևան էր այցելել։
Նրա խոսքով` երկրում տեղի ունեցած իշխանափոխությունն ու պետական համակարգում հայտարարված բարեփոխումները հույս են տալիս, որ առողջապահության ոլորտում դրական փոփոխություններ կլինեն։ Ալեքյանը կարծում է, որ ԽՍՀՄ–ի փլուզումից հետո հայկական բժշկությունը անկում է ապրել, ամենավատ վիճակը 90–ականների սկզբին էր, երբ կադրերի ու սարքերի պակասից բացի մարդիկ պարզապես հնարավորություն չունեին տոմս գնել ու արտասահման մեկնել բուժման։
Բժիշկը կարծում է, որ վերջին տարիների ընթացքում հաջողվել է զգալիորեն բարելավել իրավիճակը։ Նրա խոսքով` լուրջ հաջողությունների է հասել Նորք Մարաշի սրտաբանական կենտրոնը։
Ալեքյանը նշեց, որ Հայաստանում տարեկան մեկ միլիոն մարդու հաշվարկով մինչև երեք հազար սրտային անոթների ստենդավորման վիրահատություն է իրականացվում։ Այդ ցուցանիշներով Հայաստանը կարող է համեմատվել Արևմտյան Եվրոպայի երկրների հետ, Գերմանիայում, օրինակ, այդ ցուցանիշը կազմում է 3,5 հազար վիրահատություն մեկ միլիոն մարդու հաշվակով։ Նույն Ռուսաստանում մեկ միլիոն մարդու հաշվարկով տարեկան 1300 վիրահատություն է անցկացվում։
Ավելին` Ալեքյանը խոստովանում է` եղել են դեպքեր, երբ բժիշկն իր հիվանդներին Մոսկվայից Երևան է ուղակել` բաց վիրահատություն անցնելու համար։ Վիրաբույժի կարծիքով` դա վկայում է հայ բժիշկների որակավորման բարձր մակարդակի մնասին։
Այդ խնդրի լուծման հարցում մեծ ներդրում է ունեցել բժիշկ Հրայր Հովակիմյանը, որը և ստեղծել է նշված Սրտաբանական կենտրոնը։ Այստեղ մի շարք բարդ վիրահատություններ են անում։
Հայաստանում գործում է ևս 12 սրտանոթային կենտրոն, որտեղ, Ալեքյանի պնդմամբ, բարձր մակարդակի մասնագետներ են աշխատում։ Նա կարծում է, ո հայկական կարդիովրաբուժությունների զարգացման մեջ մեծ ներդրում է ունեցել առողջապահության նախկին նախարար, ներկայումս Երևանի պետական բժշկական համալսարանի ռեկտոր Արմեն Մուրադյանը։
