21:21 03 հուլիսի 2020
Ուղիղ եթեր
  • USD483.84
  • GBP602.38
  • EUR543.30
  • RUB6.81
Հայաստան
Ստանալ կարճ հղումը
18210

ՀՀ մշակույթի ու կրթության նախարարները համատեղ ծրագիր են մեկնարկել, որը պետական բյուջեի համար մոտ 900 հազար դոլար կարժենա։

ԵՐԵՎԱՆ, 16 օգոստոսի — Sputnik. Այսուհետ Հայաստանի ցանկացած դպրոցական հնարավորություն կստանա ուսումնական տարվա ընթացքում իր հայեցողությամբ այցելել թանգարան, թատրոն ու դասական երաժշտության համերգասրահ. նրանք երեք այցելության համար աբոնեմենտ կստանան։ Այս մասին այսօր մամուլի ասուլիսի ժամանակ ասաց մշակույթի նախարար Լիլիթ Մակունցը։

Բանն այն է, որ մշակույթի ու կրթության նախարարները համատեղ նախագիծ են մշակել։ Այն կմեկնարկի 2018 թվականի հոկտեմբերից։ Նախագծի շրջանակում Հայաստանի յուրաքանչյուր դպրոցականին անհատական աբոնեմենտ կտրամադրվի։ Ծրագրի արժեքը 400 միլիոն դրամ է։

«Երեխաները կկարողանան ուսումնական տարվա ընթացքում այցելել թանգարան, թատրոն ու համերգասրահ։ Միաժամանակ մենք չենք ընտրում` ուր գնան աշակերտները։ Ընտրությունն իրենք են կատարում», – ասաց Մակունցը։

ՀՀ գիտության ու կրթության նախարար Արայիկ Հարությունյանն իր հերթին կարևորեց ծրագիրը։ Նա պարզաբանեց` այն թույլ կտա երեխաներին ավելի մոտ լինել արվեստին, հաղորդակից դառնալ մշակութային կյանքին։

«Շուտով մենք կհրապարակենք միջոցառումների, համերգների ամբողջական ցանկը, որ աշակերտներն ավելի հեշտ կողմնորոշվեն` ուր գնան», – ասաց Հարությունյանը։

Նա կոչ արեց դպրոցների ուսուցիչներին իրենց դասերի մեջ ներառել թանգարաններ կամ համերգասրահներ այցելությունը։ Օրինակ` եթե ուսուցիչը որևէ պատմական դրվագ է ներկայացնում, նա կարող է կոչ անել աշակերտներին այցելել պատմության թանգարան ու այդ թեմայով ցուցանմուշներ դիտել։

Սակայն նախագծերը սրանով չեն ավարտվում։ Մշակույթի ու կրթության նախարարությունները մեկնարկել են նաև «Քո արվեստը դպրոցում» խորագրով դրամաշնորհային ծրագիրը։ Ծրագրի շրջանակում մրցույթ է հայտարարվելու, որի արդյունքում ընտրվելու են 50 գրող, երաժիշտ ու նկարիչ։ Նրանցից յուրաքանչյուրը 1 միլիոն դրամ կստանա հանրապետության 30 դպրոցներում ինտերակտիվ դասեր անցկացնելու համար։

«Նրանք կպատմեն իրենց գործունեության մասին։ Այդ ծրագիրը կխթանի դպրոցականների հետաքրքրությունը մշակույթի ու արվեստի աշխարհի նկատմամբ», – ասաց Մակունցը։

Երկու շաբաթ անց նախարարները կրկին ասուլիս կունենան, որի ընթացքում խոստանում են այլ նախագծեր էլ ներկայացնել։

Ըստ թեմայի

Դպրոցների մարզադահլիճների մոտ 80%–ը վատ վիճակում է. փոխնախարար
Հարությունյանը մտահոգ է. նախարարն անցավ Վրաստանի հայկական դպրոցների՞ն
Դպրոցների ու մանկապարտեզների տնօրենների կոռուպցիոն սխեման էլ բացահայտվեց
ԿԳ նախարարի հորդորը դպրոցների տնօրեններին
Շուտով դպրոցների խորհուրդների ձևավորման կարգը կփոխվի. Արայիկ Հարությունյան
թեգերը:
Լիլիթ Մակունց, Արայիկ Հարությունյան, Հայաստան

Գլխավոր թեմաներ