21:05 11 դեկտեմբերի 2019
Ուղիղ եթեր
  • USD478.02
  • GBP628.98
  • EUR529.50
  • RUB7.52
ՀՀ գլխավոր դատախազություն

ՀՀ գլխավոր դատախազությունը նախապատրաստվում է Երևանի ավագանու ընտրություններին

© Sputnik / Asatur Yesayants
Հայաստան
Ստանալ կարճ հղումը
81 0 0

Երևանի ավագանու ընտրությունների ընթացքում հնարավոր իրավախախտումների ուսումնասիրման նպատակով դատախազությունում հատուկ խումբ է ստեղծվել։

ԵՐԵՎԱՆ, 29 օգոստոսի — Sputnik. ՀՀ գլխավոր դատախազ Արթուր Դավթյանի հրամանով` ՀՀ գլխավոր դատախազի տեղակալ Հայկ Ասլանյանի գլխավորությամբ այսօր` օգոստոսի 29-ին հատուկ խումբ է ստեղծվել։ Այս մասին հայտնում է, դատախազության մամուլի ծառայությունը։

Խումբը գրանցելու է սեպտեմբերի 23-ին կայանալիք Երևանի ավագանու ընտրությունների նախապատրաստման և անցկացման ընթացքում հնարավոր ընտրական իրավախախտումների վերաբերյալ ԶԼՄ հրապարակումները, քաղաքացիների ահազանգերը, զբաղվելու է դրանց հիման վրա նյութերի նախապատրաստմամբ ու հարուցված քրեական գործերի նախաքննության նկատմամբ դատախազական հսկողության իրականացմամբ։

Դատախազական խումբը համագործակցելու է ընտրությունները լուսաբանող լրատվամիջոցների, դիտորդական առաքելություն իրականացնող կազմակերպությունների հետ։

Իսկ ընտրական իրավախախտումների վերաբերյալ տեղեկատվություն ստանալու, հրատապ խնդիրներին արագ արձագանքելու նպատակով Երևանի դատախազությունում այսօրվանից գործելու է թեժ գիծ՝ 511603 հեռախոսահամարով:

Երևանի ավագանու արտահերթ ընտրությունները մայրաքաղաքում կկայանան 2018թ-ի սեպտեմբերի 23-ին։

Ընտրություններին կմասնակցեն դերասան և պրոդյուսեր Հայկ Մարությանը («Քաղաքացիական պայմանագիր» կուսակցություն), Զարուհի Փոստանջյանը («Երկիր ծիրանի»), Արարատ Զուրաբյանը («ՀՀՇ»), հայտնի ճարտարապետ Արթուր Թարխանյանի դուստրը` Անահիտ Թարխանյանը, Նաիրա Զոհրաբյանը («ԲՀԿ»)։ «Լուսավոր Հայաստան»  և «Հանրապետություն»  կուսակցություններն իրենց հերթին առաջարկել են ՀՀ արդարադատության նախարար Արտակ Զեյնալյանի թեկնածությունը։ «Ժողովրդավարական ուղի» կուսակցությունն առաջադրել է Մանուել Գասպարյանի թեկնածությունը։ «Ժառանգության» թեկնածուն կլինի Րաֆֆի Հովհաննիսյանը, ՕԵԿ–ի թեկնածուն` Մհեր Շահգելդյանը, ՀՅԴ–ի թեկնածուն`Միքայել Մանուկյանը։

Ըստ թեմայի

Երևանի քաղաքապետի ընտրությունները «լակմուս» կդառնան Փաշինյանի կառավարության համար
Քանի դեռ ստվերում +50 չի դարձել. ապագա քաղաքապետի առաջնային խնդիրը
Երևանի նախկին քաղաքապետներն ընտրությունների նախաշեմին
Խոսում է Երևանը. ինչ են ակնկալում մայրաքաղաքի բնակիչներն ապագա քաղաքապետից

Գլխավոր թեմաներ