18:19 02 հունիսի 2020
Ուղիղ եթեր
  • USD482.49
  • GBP606.25
  • EUR539.28
  • RUB7.02
Հայաստան
Ստանալ կարճ հղումը
80 0 0

Հայաստան–Վրաստան բարձրավոլտ գծի գործարկումը նոր հնարավորություններ կստեղծի էլեկտրականության արտահանման և տարանցման համար։

ԵՐԵՎԱՆ, 29 օգոստոսի — Sputnik. Մինչև 2018 թվականի վերջ Հայաստանը թարմացված նախագիծ կկազմի` Հայաստան-Վրաստան էլեկտրահաղորդման նոր գծի գործարկման համար։ Այս մասին այսօր կայացած ասուլիսի ժամանակ ասաց ՀՀ էներգետիկ ենթակառուցվածքների և բնական պաշարների նախարար Արթուր Գրիգորյանը։

Նրա խոսքով` գլխավոր նպատակը նախագիծն ավելի մատչելի դարձնելն է, ընդ որում` առանց որակի և անվտանգության հարցում տուժելու։

Նոր էլեկտրահաղորդման գիծը պետք է 3-4 անգամ ավելացնի Հայաստանի և Վրաստանի միջև էլեկտրաէներգիայի փոխհոսքը։ Այսօր Հայաստանի և Վրաստանի միջև երեք գիծ է գործում (մեկ 220 կՎ և երկու 110 կՎ), ընդ որում` մեկն ամբողջ ռեժիմով չի գործում, իսկ նոր գծի հզորությունը առնվազն 400 կՎ կլինի։

Հայաստանը նոր գծով դուրս կգա էլեկտրաէներգիայի տարածաշրջանային շուկա։ Հանրապետությունը կկարողանա տարանցիկ երկիր դառնալ Իրանի (հարավից) և Վրաստանի ու Ռուսաստանի (հյուսիսից) միջև։ Բացի այդ, կարելի է ավելացնել սեփական էլեկտրաէներգիայի արտահանումն այդ երկրներ։

«Քաղաքական առումով այդ նախագիծը մեզ համար շատ շահավետ է։ Այժմ մենք պետք է մտածենք ավելի մանրամասն տնտեսական հիմնավորում տալու մասին։ Այն ներկայացնելու ենք նախագիծը ֆինանսավորող գերմանական KfW բանկին», — ասաց նախարարը։

Մասնավորապես, հայկական կողմը ուզում է ցույց տալ, որ էլեկտրաէներգիայի արտահանումից և տարանցումից ստացված օգուտը ամբողջովին կծածկի նախագծի բոլոր վարկերը։

«Սակայն այդ նախագծի օգուտի պարագայում էլ մենք պետք է հնարավորինս կրճատենք դրա բեռը պետական պարտքի վրա։ Ուստի մենք կքննարկենք նախագծի նախահաշիվը կրճատելու հնարավորությունը։ Այդ նպատակով մենք էներգետիկայի ոլորտում լավագույն մասնագետներից բաղկացած աշխատանքային խումբ ենք ստեղծել», — հայտնեց նախարարը։

Որպեսզի մագիստրալը Հայաստանից շարունակվի դեպի Իրան, պետք է ավարտին հասցնել Հայաստան-Իրան 400 կՎ լարման էլեկտրահաղորդման օդային գիծը։ Ինչպես ավելի վաղ հայտնել էին էներգետիկայի նախարարության ներկայացուցիչները, շինարարությունը պետք է ավարտվի 2018 թվականին։ Սակայն այս նախագիծը ևս ձգձգվում է։ Այն նույնպես զգալիորեն (մոտ եռակի) կընդլայնի Հայաստանի և Իրանի միջև էլեկտրաէներգիայի փոխհոսքի համար նախատեսված միջանցքը։

«Այն առայժմ պատրաստ է 10-15%-ով ժամանակացույցից բազմակի անգամ հետ ընկնելու պատճառով։ Կփորձենք արագացնել աշխատանքները», — ավելացրեց Գրիգորյանը։

Հիշեցնենք, որ 2016 թվականի ապրիլին Հայաստանի, Վրաստանի, Ռուսաստանի և Իրանի ներկայացուցիչները հաստատել էին ընդհանուր միջանցք և էլեկտրաէներգիայի շուկա ստեղծելու համար գործողությունների ծրագիրը։

Ըստ թեմայի

Ռուսական վարկը էլեկտրաէներգիայի սակագինը շատ չի փոխի. մասնագետ
Հայաստանը հույս ունի գազի հարցով ՌԴ–ի հետ պայմանավորվածություն ունենալ` չմոռանալով Իրանին
Հայաստանի աշխարհագրական դիրքը նպաստավոր է ծրագրեր իրականացնելու համար. իրանցի նախարար
Ի՞նչ կշահի Հայաստանը, եթե Իրանն էլեկտրաէներգիա արտահանի ՌԴ. պատասխանում է նախարարը
2018 թվականի ամռանը Հայաստանը ռեկորդային մեծ քանակությամբ էլեկտրականություն է սպառել
Ինչպես են Երևանում 400 հազար տոննա աղբից էլեկտրականություն ստանալու

Գլխավոր թեմաներ