22:16 18 օգոստոսի 2019
Ուղիղ եթեր
  • USD475.92
  • GBP578.43
  • EUR527.46
  • RUB7.22
Ատոմակայան

Հայաստանի ատոմակայանում ավելորդ մարդիկ չկան. տնօրեն

© Sputnik / Asatur Yesayants
Հայաստան
Ստանալ կարճ հղումը
30610

Ատոմային էլեկտրակայանի գլխավոր տնօրենն արձագանքեց վարչապետի հայտարարությանը և կայանի աշխատանքի վերաբերյալ սեփական փաստարկներ ներկայացրեց։

ԵՐԵՎԱՆ, 3 սեպտեմբերի — Sputnik. Հայկական ատոմակայանի անձնակազմում չկան չարդարացված հաստիքային միավորներ։ Այդ մասին Sputnik Արմենիայի թղթակցին ասաց Հայկական ԱԷԿ-ի գլխավոր տնօրեն Մովսես Վարդանյանը։

Հիշեցնենք, որ երեկ վարչապետ Նիկոլ Փաշինյանը Facebook-ի ուղիղ եթերում հայտարարել էր. «Ատոմակայանում 500 աշխատող կա, որոնք հավելյալ աշխատողներ են։ Այդ հաստիքների անհրաժեշտությունը չկա։ Բայց այդ մարդիկ կան, աշխատավարձ են ստանում, և սա էլեկտրաէներգիայի սակագնի վրա 3 մլրդ դրամի կշիռ ունի»։

«Իմ կողմից այդքան ճիշտ չի լինի մեկնաբանել վարչապետի ասածը։ Կարող եմ միայն ասել, որ մենք հիմնավորում ենք մեր բոլոր ծախսերը, այդ թվում` անձնակազմի։ Այդ հաշվարկները մենք անում ենք ամեն անգամ, երբ անկախ կարգավորիչը հաստատում է էլեկտրականության նոր սակագները։ Հաշվարկները ներկայացրել ենք նաև այս տարի», — նշեց նա։

Վարդանյանը հիշեցրեց, որ ատոմակայանն այժմ հիմնանորոգվում է։ Նրա խոսքով` աշխատանքների ծավալը շատ մեծ է։

Հիշեցնենք` ԱԷԿ-ի աշխատանքի երկարացման աշխատանքն իրականացվում է 270 միլիոն վարկային գծով ու Ռուսաստանի կառավարության տրամադրած 30 միլիոն դոլար դրամաշնորհով։ Աշխատանքը նախատեսվում է ավարտել մինչև 2019 կամ 2020 թվականը, իսկ կայանի ծառայության նախագծային ժամկետը երկարացվել է մինչև 2027 թվական։ Հիմնանորոգման գլխավոր կապալառուն «Ռոսատոմ սերվիս» ընկերությունն է, որն ընդգրկված է «Ռոսատոմ» պետական կորպորացիայում։

Հունիսին վարչապետը հայտարարել էր գազի և էլեկտրաէներգիայի սակագները վերանայելու անհրաժեշտության մասին։ Դրա համար էներգետիկայի նախարարությունը և ՀԾԿՀ-ն ստեղծել են համատեղ աշխատանքային խումբ։ Բայց այն առայժմ եզրակացություն չի արել։ Այնուամենայնիվ, հուլիսի 1-ից նվազել են էլեկտրաէներգիայի սակագները, իսկ օգոստոսի 1-ից նվազել է գազի գինը` անապահով ընտանիքների համար։

Ըստ թեմայի

Հայաստանը հույս ունի, որ Ռուսաստանը կօգնի նոր ատոմակայանի կառուցման գործում
Հայաստանի ատոմակայանի «երկվորյակները» մինչև 60 տարի կաշխատեն
Հայկական ատոմակայանի գեներատորները կարող են 2027 թվականից հետո էլ հոսանք տալ
թեգերը:
Նիկոլ Փաշինյան, Հայաստան

Գլխավոր թեմաներ