05:39 17 հոկտեմբերի 2019
Ուղիղ եթեր
  • USD476.76
  • GBP608.06
  • EUR526.20
  • RUB7.42
Աշոտ Հակոբյան

Նախարարն «աջ ղեկով» ավտոմեքենա չի գնել և մյուսներին էլ խորհուրդ չի տա գնել

© Sputnik / Aram Nersesyan
Հայաստան
Ստանալ կարճ հղումը
23202

Աջ ղեկ ունեցող ավտոմեքենաների արգելքը ժամանակավոր է` մինչև հոկտեմբերի 1-ը, բայց նախարարությունն ուզում է երկարաձգել այդ արգելքը։

ԵՐԵՎԱՆ, 4 սեպտեմբերի — Sputnik. ՀՀ տրանսպորտի, կապի և տեղեկատվական տեխնոլոգիաների նախարարությունն ուզում է պահպանել աջ ղեկով ավտոմեքենաներ ներկրելու արգելքը։ Այս մասին լրագրողներին ասաց ՀՀ տրանսպորտի և կապի նախարար Աշոտ Հակոբյանը։

Աջ ղեկով ավտոմեքենաների ներմուծման արգելքը Հայաստանում ուժի մեջ է մտել ապրիլի 1-ից։ Արգելքը դեռ ժամանակավոր է, գործելու է մինչև հոկտեմբերի մեկը, բայց նախարարությունն ուզում է մշտական դարձնել։ Նշենք, որ արգելքը վերաբերում է ներմուծվող նոր ավտոմեքենաներին։ Հները կարելի է և՛ վերավաճառել, և՛ շարունակել վարել։

«Կարծում ենք` անվտանգությունն այդպիսով կավելանա։ Բացի այդ, այդպիսին է Եվրասիական միության ընդհանուր կանոնը, որը 2020 թվականից ուժի մեջ կմտնի բոլորի համար», — ասաց նախարարը։

Նրա խոսքով` անձամբ ինքը ժամանակին մտածել է աջ ղեկով ավտոմեքենա գնելու մասին, բայց ծանոթները խորհուրդ չեն տվել` ասելով, որ ձախ ղեկով ավտոմեքենաներն ավելի հուսալի են։

Հայաստանում աջ ղեկ ունեցող մի քանի տասնյակ հազար ավտոմեքենա կա։ Դրանց հստակ թիվը ոստիկանությունը դեռ չի հրապարակում։ Աջ ղեկով ավտոմեքենաները մեծ պահանջարկ ունեն համեմատաբար էժան լինելու պատճառով։

Ըստ թեմայի

Աջ ղեկով մեքենաների ճակատագրի երկու տարբերակ կա, մեկը` լավ, մյուսը` շատ վատ. «Փաստ»
Որ վրացիների բաժինը պակասի. կսահմանվի՞ արդյոք նոր կարգ աջ ղեկով մեքենաների համար ՀՀ-ում
Վարորդների խնդրանքով․ կվերադարձնի՞ արդյոք Փաշինյանը աջ ղեկը Հայաստան
Հայաստանի իշխանությունը նոր մոտեցում ունի տեխզննման և գազի բալոնների ստուգման հարցում

Գլխավոր թեմաներ