01:09 22 նոյեմբերի 2018
Ուղիղ եթեր
  • USD484.29
  • GBP618.87
  • EUR551.32
  • RUB7.35
Գագիկ Հարությունյան

ԱԺ-ն Վճռաբեկ դատարանի նախագահ է ընտրում. թեկնածուին ներկայացնում է Գագիկ Հարությունյանը

© Official site of the President of RA
Հայաստան
Ստանալ կարճ հղումը
147 0 0

Խորհրդարանում քննարկում է Վճռաբեկ դատարանի նախագահի ընտրության հարցը: Թեկնածուն 17 տարվա դատավոր է:

ԵՐԵՎԱՆ, 11 սեպտեմբերի – Sputnik. ԱԺ-ն այսօր` սեպտեմբերի 11-ին, Վճռաբեկ դատարանի նոր նախագահ է ընտրում: Բարձրագույն դատական խորհրդի նախագահ Գագիկ Հարությունյանը պատգամավորներին հայտնեց, որ Բարձրագույն դատական խորհրդի կազմակերպած ընտրությանը Վճռաբեկ դատարանի քաղաքացիական և վարչական պալատի նախագահ Երվանդ Խունդկարյանը ստացել է 10 անդամներից 7-ի քվեն, և սահմանված կարգով նրա թեկնածությունը ներկայացվում է ԱԺ-ին:

Վճռաբեկ դատարանի նախագահի պաշտոնում ընտրվելու համար Երվանդ Խունդկարյանը պետք է ստանա պատգամավորների ընդհանուր թվի ձայների մեծամասնությունը:

ՀՀԿ խմբակցության պատգամավոր Դավիթ Հարությունյանը նշեց, որ Երվանդ Խունդկարյանը 2001 թվականից դատավոր է աշխատում դատական համակարգում, բոլոր աստիճաններով բարձրացրել է:

Վճռաբեկ դատարանի նախագահի թեկնածու Խունդկարյանը ներկայացրեց դատարանի լիազորությունները և իր տեսլականը նախագահի պաշտոնում աշխատանքային գործունեության վերաբերյալ: Անդրադառնալով հասարակության մեջ առկա դժգոհություններին` թեկնածուն հայտնեց, որ վստահության վերականգնման համար կարևորում է իշխանությունների տարանջատման սկզբունքի պահպանումն ու դատական իշխանության անկախությունը:

Հիշեցնենք, սահմանադրական փոփոխություններից հետո Վճռաբեկ դատարանի նախագահի թեկնածությունը հաստատում և խորհրդարանին է ներկայացնում Բարձրագույն դատական խորհուրդը: Վճռաբեկ դատարանի նախագահն ընտրվում է նույն դատարանի դատավորների կազմից` վեց տարի ժամկետով: Նույն անձը կարող է ընտրվել միայն մեկ անգամ:

թեգերը:
Հայաստան

Գլխավոր թեմաներ