17:43 20 սեպտեմբերի 2018
Ուղիղ եթեր
  • USD482.44
  • GBP637.06
  • EUR564.60
  • RUB7.28
Վանեցյանն ու Խաչատրյանը

Հայաստանի ԱԱԾ ղեկավարի և ՀՔԾ պետի խոսակցությունը հայտնվել է համացանցում

© Sputnik / Aram Nersesyan
Հայաստան
Ստանալ կարճ հղումը
Արթուր Վանեցյանի և Սասուն Խաչատրյանի սկանդալային ձայնագրությունը (35)
228622

Արթուր Վանեցյանը և Սասուն Խաչատրյանը 8 րոպեանոց զրույցի ընթացքում քննարկում են նախկին նախագահ Ռոբերտ Քոչարյանի կալանքը, ՀԱՊԿ գլխավոր քարտուղար Յուրի Խաչատուրովի և պաշտպանության նախկին նախարար Միքայել Հարությունյանի դեմ հարուցված քրեական գործերը։

ԵՐԵՎԱՆ, 11 սեպտեմբերի — Sputnik. Համացանցում հայտնվել է Հայաստանի Ազգային անվտանգության ծառայության պետ Արթուր Վանեցյանի և քննչական ծառայության պետ Սասուն Խաչատրյանի հեռախոսազրույցի ձայնագրությունը։ Ով և ինչպես է տարածել երկու ուժային գերատեսչությունների ղեկավարների խոսակցությունը համացանցում, դեռ պետք է պարզել։ Ձայնագրությունը հայտնվել է «168 ժամ» թերթի կայքում։

Վանեցյանը և Խաչատրյանը 8-րոպեանոց հեռախոսազրույցի ընթացքում քննարկում են Հայաստանի նախկին նախագահ Ռոբերտ Քոչարյանի կալանքը, ինչպես նաև ՀԱՊԿ գլխավոր քարտուղար Յուրի Խաչատուրովի և ՊՆ նախկին ղեկավար Միքայել Հարությունյանի դեմ հարուցված քրեական գործերը։

Հիշեցնենք, որ այս երեքին մեղադրում են 2008թ–ի մարտի դեպքերի ժամանակ սահմանադրական կարգը տապալելու մեջ, որը հանգեցրել է 10 մարդու մահվան։

Վանեցյանը պատմում է հատուկ քննչական ծառայության ղեկավարին դատավորի հետ զրույցի մասին, որին հրահանգ է տրվել է ամեն գնով նստեցնել Քոչարյանին։ Այնուհետև անցնում են Խաչատուրովին։ ԱԱԾ պետն ասում է, որ ՀԱՊԿ գլխավոր քարտուղարին ոչ մի դեպքում չի կարելի ձեռք տալ, քանի որ Ռուսաստանի հետ հարաբերությունները փչացնելու վտանգ կա։

Sputnik Արմենիայի խմբագրությունը փորձեց մեկնաբանություն վերցնել երկու կառույցներից։ ԱԱԾ մամուլի քարտուղարը հայտարարեց, որ առայժմ չի կարող մեկնաբանել այդ ձայնագրությունը։ Հատուկ քննչական ծառայությունում նշեցին, որ իրենց ժամանակ է պետք պարզաբանում ներկայացնելու համար։

թեմա:
Արթուր Վանեցյանի և Սասուն Խաչատրյանի սկանդալային ձայնագրությունը (35)
թեգերը:
ՀՀ Ազգային Անվտանգության ծառայություն. ԱԱԾ, Սասուն Խաչատրյան, Արթուր Վանեցյան, Հայաստան

Գլխավոր թեմաներ