07:04 21 սեպտեմբերի 2018
Ուղիղ եթեր
  • USD482.44
  • GBP637.06
  • EUR564.60
  • RUB7.28
Արտակ Դավթյան

Դավթյան. Հայկական ԶՈւ–ն հակադարձում է հակառակորդին

© Photo: official site of the MoD of RA
Հայաստան
Ստանալ կարճ հղումը
12401

Հայկական կողմին ոչ մի վնաս չի հասցվել, կրակոցները հոգեբանական ազդեցություն են ունենում։

ԵՐԵՎԱՆ, 12 սեպտեմբերի – Sputnik. ՀՀ ԶՈւ–ն ճնշում է գործադրում այն կետերի վրա, որտեղից ՀՀ Տավուշի մարզի վրա կրակոցներ են արձակվում։ Այս մասին այսօր լրագրողներին ասաց ԶՈՒ գլխավոր շտաբի պետ Արտակ Դավթյանը։

«Վերջին 10 օրերի ընթացքում կրակոցներն ադրբեջանական կողմից ավելի հաճախակի են դարձել։ Դրանք վնաս չեն տվել, ավելի շատ հոգեբանական ազդեցություն ունեն», –ասաց Դավթյանը։

Նա նշեց, որ կրակոցներ են արձակվել Բաղանիս, Կոթի, Ոսկեպար և այլ գյուղերի ուղղությամբ։

Միաժամանակ հայկական ԶՈւ–ն նույն սկզբունքով չի գործում ու հակառակորդի բնակավայրերի ուղղությամբ կրակ չի բացում։ Մերոնք ճնշում են գործադրում հակառակորդի այն կրակակետերի վրա, որտեղից Հայաստանի ուղղությամբ կրակ է արձակվում։

Դավթյանը նշեց նաև, որ նախորդ տարվա համեմատ ակտիվացել է Նախիջևանի հատվածը։ Սակայն այնտեղ էլ իրավիճակը հսկողության տակ է։ Գլխավոր շտաբում առաջիկայում լարվածության մեծացում չեն սպասում։

Արտակ Դավթյանը Տավուշում տիրող իրավիճակը չի կապում զորավարժությունների հետ, քանի որ հայկական կողմից սահմանին ոչ մի փոփոխություն չի եղել։

Հիշեցնենք, որ սեպտեմբերի 2–ից սկսած ամեն օր ադրբեջանական կողմը Տավուշի սահմանային գյուղերի վրա կրակ է բացում` խախտելով հրադադարի ռեժիմը։

Ըստ թեմայի

Ինչպես տավուշցի երեխաների պարը վերածվեց սարսափի. ադրբեջանցիների կրակոցների հետևանքը
Տավուշում հնչող կրակոցների հարցն ընթացք կստանա. ԱԳՆ
թեգերը:
Հայաստան

Գլխավոր թեմաներ