02:56 21 նոյեմբերի 2018
Ուղիղ եթեր
  • USD484.70
  • GBP622.16
  • EUR553.96
  • RUB7.38
Աննա Հակոբյան

Փաշինյանի տիկինն օլիգարխների կանանց կոչ է արել նվիրաբերել իրենց զարդերը

© Sputnik / Aram Nersesyan
Հայաստան
Ստանալ կարճ հղումը
107531

Վարչապետի տիկին Աննա Հակոբյանը հանդիպել է ապրիլյան քառօրյա պատերազմի զոհերի մայրերին։ Նա կոչ է արել ՀՀ պաշտոնյաների ու մեծահարուստների կանանց իրենց զարդերը նվիրել Արմենակ Ուրֆանյանի մոր՝ Համեստ Ուրֆանյանի ստեղծած բարեգործական հիմնադրամին:

ԵՐԵՎԱՆ, 15 սեպտեմբերի — Sputnik. ՀՀ վարչապետ Նիկոլ Փաշինյանի տիկինը՝ Աննա Հակոբյանը, այսօր պաշտոնյաների ու օլիգարխների կանանց կոչ է արել իրենց թանկարժեք զարդերի մի մասը նվիրաբերել ապրիլյան քառօրյա պատերազմի զոհերից կապիտան Արմենակ Ուրֆանյանի մոր՝ Համեստ Ուրֆանյանի ստեղծած բարեգործական հիմնադրամին:

Աննա Հակոբյանն այս կոչը հնչեցրել է այսօր Բաղրամյան 26–ում «Կանայք՝ հանուն խաղաղության արշավին» նախաձեռնության շրջանակներում ապրիլյան պատերազմի զոհերի մայրերի հետ հանդիպման ժամանակ։

««Ուզում եմ կոչ անել Հայաստանի թե՛ ներկա, թե՛ նախկին պաշտոնյաների, օլիգարխների կանանց, ովքեր մի փոքր անգամ կասկած ունեն այն արդար ճանապարհի վրա, որի շնորհիվ ձեռք են բերել իրենց հարստությունը և զարդեր են գնել, կոչ եմ անում, դրանք նվիրաբերել տիկին Համեստի ֆոնդին և մեծ թափ հաղորդել այդ ֆոնդի աշխատանքներին։ Այդպիսով, նրանք կարող են մի փոքր ավելի հանգիստ գլուխը դնել բարձին»,– ասել է վարչապետի տիկինը` հույս հայտնելով, որ այդպիսի տիկնայք կգտնվեն։

Անդրադառնալով «Կանայք՝ հանուն խաղաղության արշավին» նախաձեռնությանը` Աննա Հակոբյանն ասել է, որ ապրիլյան քառօրյա պատերազմի հանգուցալուծումը մեծապես կախված է եղել սահմանին կանգնած տղաների հերոսությունից ու սխրագործությունից։ «Դուք հայրենիքին տվել եք ձեր անփոխարինելին, և հիմա ձեր այս քայլով շարունակում եք ծառայել հայրենիքին», — դիմելով հայրենիքին իրենց կյանքը նվիրած հերոսների մայրերին` ասել է Աննա Հակոբյանը։

Նա նաև հույս է հայտնել, որ հայ մայրերի ձայնը կհասնի նաև ադրբեջանցի մայրերին և նրանք նույնպես կխոսեն ընդդեմ պատերազմի և հանուն խաղաղության։

Ըստ թեմայի

«Ապրիլյան քառօրյան փաստում է ինքնորոշման իրավունքի իրացման արդիականությունը». Մնացականյան
Որտե՞ղ էր Խաչատուրովն ապրիլյան քառօրյայի օրերին. Արտակ Դավթյանը պարզաբանում է իրավիճակը
«Ապրիլյան մարտերի» մասնակից նշումը՝ խնդրո առարկա. տղաները բողոքում են
Ապրիլյան պատերազմին ԵԿՄ–ն 60 միլիոն դրամի դեղեր և բժշկական պարագաներ է ստացել. Զաքարյան
Ռուսաստանը հետևություններ է արել ապրիլյան պատերազմից
թեգերը:
Աննա Հակոբյան, Հայաստան

Գլխավոր թեմաներ