09:26 16 սեպտեմբերի 2019
Ուղիղ եթեր
  • USD476.18
  • GBP592.94
  • EUR528.61
  • RUB7.41
Հետախուզում Yerevan Today–ում

Ոստիկանության 6-րդ վարչությունն ու Քննչական կոմիտեն Yerevan.today-ի խմբագրությունում են

© Sputnik / Asatur Yesayants
Հայաստան
Ստանալ կարճ հղումը
Արթուր Վանեցյանի և Սասուն Խաչատրյանի սկանդալային ձայնագրությունը (39)
53212

ՀՀ ոստիկանության 6-րդ վարչության և Քննչական կոմիտեի աշխատակիցները խուզարկություն են անցկացնում Yerevan.today լրատվական կայքի խմբագրության գրասենյակում։

ԵՐԵՎԱՆ, 17 սեպտեմբերի — Sputnik. Այսօր առավոտյան ժամը 8.30-ին Ոստիկանության 6-րդ վարչության և Քննչական կոմիտեի տասնյակ աշխատակիցներ մուտք են գործել yerevan.today լրատվական կայքի խմբագրություն, ներկայացրել են խուզարկություն անցկացնելու վերաբերյալ դատարանի և քննչական մարմնի որոշումները։

Այս մասին խմբագրությունից հաղորդում է Sputnik Արմենիայի թղթակիցը։ Ըստ լուրերի` իրավապահները կայքի գրասենյակում գաղտնալսող սարքեր են փնտրում, ստուգում համակարգիչները` պարզելու ինչպես է կայքէջը ստացել և հրապարակել ԱԱԾ տնօրեն Արթուր Վանեցյանի և ՀՔԾ պետ Սասուն Խաչատրյանի հեռախոսազրույցի գաղտնալսման youtube-յան լինքը։

Այս պահին ո՛չ իրավապահներից, ո՛չ խմբագրությունից որևէ մեկնաբանություն ստանալ չի հաջողվում։ Խմբագրության գրասենյակի դուռը փակ է, իրավապահներն ու խմբագրության աշխատակիցները` ներսում։

Կայքի խմբագիր Սևակ Հակոբյանը, Sputnik Արմենիայի թղթակցի փոխանցմամբ, նույնպես գրասենյակում է։

Օրեր առաջ yerevan.today-ը հայտարարություն էր տարածել, որում ասվում էր.

«Yerevan.Today-ի հարգելի այցելուներ, համացանցում տարածվել է տեղեկություն, թե իբր մեր կայքը 2 օր առաջ, տեղադրել էր ԱԱԾ և ՀՔԾ ղեկավարների հեռախոսազրույցը` իբրև թե նախօրոք իմանալով: Ցուցադրվում են ինչ-որ «ապացույցներ»: Համացանցային փորձագետներն արդեն հերքել են դա՝ նշելով, որ Google համակարգում առկա է խնդիր: Բայց միևնույն է՝ լայնորեն տարածվում է կեղծ տեղեկությունը, որը վերածվում է մեր կայքի դեմ լայն հակաքարոզչության: Հայտնում ենք, որ ձայնագրությանը տեղեկացել ենք պատահական, սեպտեմբերի 11-ին, ճիշտ նույն ժամերին՝ 14:00 կողմերը, ինչպես մեր այլ գործընկերները և համացանցից օգտվողները: Կայքում տեղադրել ենք ժամը 15:00-ին մոտ, երբ այն արդեն լայնորեն տարածվել էր: Դրել ենք տեսանյութը սղագրելուց հետո միայն:

Հիշեցնենք` սեպտեմբերի 11–ին համացանցում հայտնվել էր Հայաստանի Ազգային անվտանգության ծառայության տնօրեն Արթուր Վանեցյանի և քննչական ծառայության պետ Սասուն Խաչատրյանի հեռախոսազրույցի ձայնագրությունը։ Ավելի ուշ պաշտոնյաները հանդիպեցին լրագրողների հետ ու տվեցին այդ խոսակցության շուրջ իրենց պարզաբանումները։

թեմա:
Արթուր Վանեցյանի և Սասուն Խաչատրյանի սկանդալային ձայնագրությունը (39)

Ըստ թեմայի

Վանեցյան–Խաչատրյան զրույցի հրապարակումը շատ վտանգավոր երևույթ է. Կոստանյան
Իմ երեխաներն այսօր չեն կարողանում դուրս գալ փողոց. Վանեցյան
Գաղտնալսման բոլոր հանգամանքները կպարզվեն, մեղավորները կպատժվեն. Վանեցյան
Գաղտնալսման դեպքով Գլխավոր դատախազությունում նոր քրեական գործ է հարուցվել
Փաշինյան. «ԱԱԾ–ի ու ՀՔԾ–ի ղեկավարների զրույցի գաղտնալսման մեջ արտաքին հետք չկա»
«Սա դավադրություն է Հայաստանի պետականության նկատմամբ». Փաշինյանը` գաղտնալսման մասին
թեգերը:
Սասուն Խաչատրյան, Արթուր Վանեցյան, Հայաստան

Գլխավոր թեմաներ