09:06 15 հոկտեմբերի 2019
Ուղիղ եթեր
  • USD476.44
  • GBP598.27
  • EUR525.85
  • RUB7.42
Գևորգ Կոստանյան

ՀՀԿ–ն գտել է սողանցքը. գաղտնալսումների գործը հանձնաժողովին չի խանգարի

© Sputnik / Aram Nersesyan
Հայաստան
Ստանալ կարճ հղումը
Արթուր Վանեցյանի և Սասուն Խաչատրյանի սկանդալային ձայնագրությունը (39)
26201

ԱԺ քննիչ հանձնաժողովի նախագահ Գևորգ Կոստանյանը վստահեցնում է, որ ԱԱԾ և ՀՔԾ ղեկավարների խոսակցությունների գաղտնալսումների գործում կա առերևույթ հանցակազմ, որով քրեական գործ չի հարուցվել։

ԵՐԵՎԱՆ, 19 սեպտեմբերի — Sputnik. ԱԺ քննիչ հանձնաժողովի աշխատանքը չի խանգարի ԱԱԾ տնօրեն Արթուր Վանեցյանի և ՀՔԾ պետ Սասուն Խաչատրյանի հեռախոսազրույցի գաղտնալսման փաստով հարուցված քրեական գործին։ Այսօր` սեպտեմբերի 19-ին, հանձնաժողովի առաջին նիստից հետո այս մասին լրագրողներին ասաց հանձնաժողովի նախագահ, «Հայաստանի Հանրապետական կուսակցություն» խմբակցության անդամ Գևորգ Կոստանյանը։

«Քանի որ կա հարուցված քրեական գործ, մենք գործի մանրամասների մեջ իրավասու չենք մտնել։ Այդ մասով մենք քննարկման առարկա դարձնելու ենք գործիքակազմի և մեխանիզմների առկայությունը` իհարկե, հիմք ընդունելով այդ գործի օրինակը»,- լրագրողների հարցին ի պատասխան, ասաց Կոստանյանը։

Նա նաև նշեց, որ գաղտնալսված հեռախոսազրույցում կան նաև քրեական օրենսգրքով նախատեսված «արդարադատության իրականացմանը խոչընդոտելու» հիմքեր, իսկ կոնկրետ այդ հոդվածով քրեական գործ հարուցված չէ։ Այս հիմնավորմամբ, Գևորգ Կոստանյանի խոսքով, Քննիչ հանձնաժողովն իր լիազորության շրջանակում իրավասու է քննություն իրականացնել։

«Մենք դատավճիռ չենք հրապարակելու, մենք հրապարակելու ենք մեր եզրակացությունը,- ասաց Կոստանյանը,- մենք չկոնկրետացանք կոնկրետ գործի վրա, այլ ընդլայնեցինք մեր հանձնաժողովի մանդատը, որ տեսնենք` մեր երկրում կա՞ն հիմա բավարար օրենսդրական և գործնական միջոցներ այսուհետև բացառելու դատարանի նկատմամբ ենթադրյալ ապօրինի միջամտության կամ ապօրինի գաղտնալսումներ իրականացնելու դեպքերը, թե ոչ»։

Հիշեցնենք` սեպտեմբերի 11-ին մամուլում հրապարակվեց ԱԱԾ պետ Արթուր Վանեցյանի և ՀՔԾ նախագահ Սասուն Խաչատրյանի 8-րոպեանոց հեռախոսազրույցը, որի ընթացքում վերջինները քննարկում են Հայաստանի նախկին նախագահ Ռոբերտ Քոչարյանի կալանքը, ինչպես նաև ՀԱՊԿ գլխավոր քարտուղար Յուրի Խաչատուրովի և ՊՆ նախկին ղեկավար Միքայել Հարությունյանի դեմ հարուցված քրեական գործերը։

Ավելի ուշ ՀՀ քննչական կոմիտեում քրեական գործ հարուցվեց պաշտոնեական լիազորություններն անցնելու և համակարգչային տեղեկատվությանն ապօրինի տիրանալու փաստերով։

Գևորգ Կոստանյանի` այսօր մատնանշած արդարադատության իրականացումը խոչընդոտելու հիմքով գործ չի հարուցվել։

Հիշեցնենք նաև, որ ԱԺ-ն սեպտեմբերի 13-ին արտահերթ նիստ գումարեց, որի ընթացքում ստեղծվեց քննիչ հանձնաժողովը։ Հանձնաժողովում ընդգրկված 11 պատգամավորներին ներկայացնում են խմբակցությունները: ՀՀԿ-ն հանձնաժողովում ունի 5, «Ծառուկյան» խմբակցությունը` 3, «Ելքը»` 2, ՀՅԴ-ն` 1 անդամ:

ԱԺ քննիչ հանձնաժողովի ստեղծմանը դեմ քվեարկած ԱԺ «Ելք» խմբակցությունը ԱԺ արտահերթ նիստում հայտարարել էր, որ ԱԺ Կանոնակարգ օրենքով հանձնաժողովը չի կարող քննել նախաքննության փուլում գտնվող քրեական գործին առնչվող հարցերը:

Հանձնաժողովի առաջին նիստը տևեց 20 րոպե և ավարտվեց մեկ շաբաթ անց շարունակվելու որոշմամբ։

թեմա:
Արթուր Վանեցյանի և Սասուն Խաչատրյանի սկանդալային ձայնագրությունը (39)

Ըստ թեմայի

Գաղտնալսման թեման թեժացավ. Yerevan.today–ից բացի ևս 5 հասցեում խուզարկություն կանցկացնեն
Քոչարյա՞նն է գաղտնալսել. Շարմազանովը Սիմոնյանին խորհուրդ է տալիս դիմել իրավապահներին
«Թշնամին չի ննջում». Թևան Պողոսյանը` գաղտնալսման աղմկահարույց միջադեպի մասին
Գաղտնալսման դեպքով Գլխավոր դատախազությունում նոր քրեական գործ է հարուցվել
VivaCell-MTS-ը պատասխանեց ԱԱԾ պետին գաղտնալսելու մեղադրանքին. Խաչատրյա՞նն է եղել թիրախում
Փաշինյանի՞ն էլ են գաղտնալսում. փորձագետը` պաշտոնյաների անհոգության մասին
Փաշինյան. «ԱԱԾ–ի ու ՀՔԾ–ի ղեկավարների զրույցի գաղտնալսման մեջ արտաքին հետք չկա»
թեգերը:
Հայաստան

Գլխավոր թեմաներ