20:46 13 օգոստոսի 2020
Ուղիղ եթեր
  • USD485.17
  • GBP634.70
  • EUR574.15
  • RUB6.60
Հայաստան
Ստանալ կարճ հղումը
10410

Սուրեն Պապիկյանը ծրագրի կողմնակից է, սակայն խոշորացված համայնքների բնակիչների դժգոհությունը ստիպել է նրան դադարեցնել դրա իրագործումը։

ԵՐԵՎԱՆ, 19 սեպտեմբերի — Sputnik. Հայաստանում գյուղական համայնքների խոշորացման ծրագիրը միառժամանակ դադարեցվել է։ Այդ մասին երեքշաբթի մամուլի ասուլիսում հայտարարեց Հայաստանի տարածքային կառավարման և զարգացման նախարար Սուրեն Պապիկյանը` պատասխանելով Sputnik Արմենիայի հարցին։

«Քանի որ համայնքի բնակիչների մոտ դժգոհություններ են առաջացել, ծրագիրը շարունակելու կամ դադարեցնելու մասին հարցը կքննարկվի ընտրություններից հետո», — նշեց նա։

Ըստ նախարարի` այդ գաղափարը լավն է և հնարավորություն է տալիս տնտեսել միջոցներն ու մի շարք նախագծեր իրագործել փոքր համայնքներում, սակայն բնակիչներին հստակ չեն բացատրել համայնքների խոշորացման առավելությունների ու թերությունների մասին։ Ավելին, հաշվի չեն առել նրանց ցանկությունները։ Պապիկյանը չբացառեց, որ ինչ-որ մեկը գործել է շահադիտական կամ քաղաքական նպատակներից դրդված։

«Մենք ծրագրում ենք ամրապնդել հանրաքվեների ինստիտուտը և նման ծրագրերն անցկացնել բացառապես հաշվի առնելով տեղի բնակչության ցանկությունը», — ասաց Պապիկյանը։

Նրա խոսքով` մարտից կշարունակվի նաև գյուղական համայնքներին սուբվենցիաներ տրամադրելու ծրագիրը։ Արդեն մշակված է միջոցներ տրամադրելու նոր համակարգը։ Փոքր գյուղական համայնքներին, որոնք ճանապարհների շինարարության կարիք ունեն կամ գտնվում են բարձր լեռնային գոտում, կտրամադրվի 4,5 մլրդ դրամ։

2017թ-ին Հայաստանի խորհրդարանն ընդունեց «Վարչատարածքային բաժանման մասին» օրենքը և մի շարք հարակից օրենքներ, որով նախատեսվում էր 328 համայնքները միավորել 34 տարածքային միավորներում։ Հայաստանում իշխանափոխությունից հետո համայնքների բնակիչները բողոքում են և պահանջում համայնքների խոշորացման որոշումը ճանաչել անօրինական։

Ըստ թեմայի

Նիկոլ Փաշինյան. «Չկա համայնք, չկա պրոբլեմ»
Ծեծկռտուք` համայնքների խոշորացման պատճառով. 6 մարդ ձերբակալվել է
թեգերը:
Հայաստան

Գլխավոր թեմաներ