05:43 23 հուլիսի 2019
Ուղիղ եթեր
  • USD476.18
  • GBP593.70
  • EUR534.18
  • RUB7.56
Spayka

Ինչու «Սպայկան» ու «Արմսանպրոդակտը» չեն կարող խոստումը կատարել. խոսքը միլիոնների մասին է

© Photo : "Spayka" ltd official site
Հայաստան
Ստանալ կարճ հղումը
20210

«Սպայկան» ու «Արմսանպրոդակտը» 133 մլն–ի փոխարեն 88 մլն դոլար կներդնեն, կառավարությունը համաձայնեց նվազեցնել ներդրման չափը։

ԵՐԵՎԱՆ, 20 սեպտեմբերի — Sputnik. ՀՀ կառավարությունն այսօրվա` սեպտեմբերի 20-ի նիստում բուռն քննարկման առարկա դարձրեց ջերմոցային տնտեսության համար խոստացված 133 մլն դոլարի ներդրումը նվազեցնելու հարցը:

2017 թվականի հունիսի 23-ին նախորդ կառավարությունը «Արմսանպրոդակտ» և «Սպայկա» ընկերություններին Նորագավիթ թաղամասին հարող տարածքում 60 հեկտար հող նվիրաբերելու մասին որոշում էր կայացրել: Ընկերություններն իրենց հերթին պարտավորվել էին այստեղ ջերմոցային համալիր կառուցել` ներդնելով 133 մլն դոլար:

Կառավարությունն այսօր ՀՀ գյուղնախարարության առաջարկով քննարկման դրեց ընկերության խոստացած ներդրման ծավալը նվազեցնելու մասին որոշման նախագիծը, որով առաջարկվում է 133 մլն-ի փոխարեն 88 մլն դոլարի ներդրում կատարել:

Ինչպես ներկայացրեց գյուղատնտեսության նախարար Արթուր Խաչատրյանը, պատճառն այն է, որ ծրագրով նախատեսվում էր «Երևան ՋԷԿ»-ի աջակցությունը` լուսադիոտային համակարգի ապահովման համար:

Գյուղնախարարի խոսքով` դա անհրաժեշտ է բույսերի աճը խթանելու համար:

«Նախատեսվում էր ՋԵԿ-ում կառուցել երկու բջիջ, բայց այդ բջիջների կառուցումը ՋԵԿ-ի ներդրումային ծրագրով նախատեսված չի եղել, և դրա համար անհրաժեշտ էր կառուցել նոր ենթակայան: Տեխնիկական փոփոխության հետևանքով լուսադիոդային համակարգի տեղադրումը դառնում էր անհնար, և ներդրողը տեխնիկական փոփոխություններ է կատարել` դրանով ներդրումները նվազեցնելով 88 մլն դոլարի»,- ասաց նախարարը:

Բացի այդ, ծրագրով նախատեսվում էր ջերմոցային տնտեսությունը շահագործման հանձնել 2018թ-ի ամռանը, բայց նոր նախագծով այս ժամկետը ևս հետաձգվում է մինչև 2020 թվական:

Ներդրողը խոստանում է 2020թ-ից հետո ավելի քան 700 մշտական աշխատատեղ ստեղծել:

Որոշումը բուռն քննարկման թեմա դարձավ: Կրթության և գիտության նախարար Արայիկ Հարությունյանը նկատեց, որ Երևանի նախորդ իշխանություններն այս որոշումը կայացրել են հապճեպ` առանց խնդրի մեջ խորանալու: Այդուհանդերձ, կառավարության անդամները դեմ չէին ներդրողի օգտին որոշում կայացնելուն` նշելով, որ եթե իրենց ներկայացվեր նույն ծրագիրը ոչ թե 133, ինչպես նախկինում էր, այլ հենց 88 մլն դոլար ներդրմամբ, իրենք էլի դեմ չէին լինի:

«Որոշումն ընդունենք, բայց եթե պարզվի` կա ինչ-որ պատճառ, որ չի իրականացվում ներդրումը, այս որոշման չեղարկումը նույնպես մեր լիազորությունների տիրույթում է, և մենք դա կարող ենք անել»,- առաջարկեց վարչապետ Փաշինյանը:

Հետո նա ավելացրեց` քանի որ նվիրաբերությունն արել է Երևանի ավագանին, որոշման հետագա ճակատագիրը ևս կհանձնվի արդեն նորընտիր ավագանու տնօրինմանը:

Այսպիսով, կառավարությունն ընդունեց ներդրումային ծրագրի արժեքն ու ժամկետները փոխելու առաջարկը:

Ըստ թեմայի

SPAYKA ընկերության հայ մասնագետներով կզբաղվի իսրայելական ինստիտուտը
Հայաստանում 3 ընկերություն ներդրումներ կստանան. ԵԶԲ–ի ղեկավարը բացահայտեց մանրամասները
«Սպայկան» 2 միլիարդ 45 միլիոն դրամ չի վճարել պետբյուջե. քրեական գործ է հարուցվել
թեգերը:
Հայաստան

Գլխավոր թեմաներ