ԵՐԵՎԱՆ, 24 սեպտեմբերի — Sputnik. Հայաստանի լեռներում Pratt & Whitney R-2000 Twin Wasp» ամերիկյան ավիացիոն շարժիչ է հայտնաբերվել։ ՀՀ ՊՆ մամուլի քարտուղար Արծրուն Հովհաննիսյանն այս մասին գրել է Facebook սոցիալական ցանցի իր էջում։
«Երկօրյա տառապանքներիս արդյունքը՝ «Pratt & Whitney R-2000 Twin Wasp» ամերիկյան ավիացիոն շարժիչը Հայաստանի լեռներում»,- գրել է նա։
Հովհաննիսյանը խոստացել է, որ ամենահետաքրքիրը դեռ առջևում է։
Մեկ այլ գառման մեջ էլ նա հայտնել է, որ ամենայն հավանականությամբ գտել են «DC-3» ինքնաթիռ կամ նրա տարատեսակներից մեկը։
Հովհաննիսյանի գրառումը հետաքրքրել է նրա էջի բաժանորդներին։ Նրանցից մեկը ենթադրել է, որ դա կապ ունի 1958 թվականին տեղի ունեցած դեպքի հետ, երբ սովետական Միգ-17 ինքնաթիռն ամերիկյան հետախուզական ինքնաթիռ է կործանել Խորհրդային Հայաստանի տարածքում՝ Ներքին Սասնաշեն գյուղի մոտակայքում։
