ԵՐԵՎԱՆ, 3 հոկտեմբերի — Sputnik. Անվտանգության խորհրդի քարտուղար Արմեն Գրիգորյանի հայրը մահացել է: Sputnik Արմենիային այս մասին հայտնեց Գրիգորյանի մամուլի քարտուղար Արեգ Քոչինյանը։
Գրիգորյանի հայրն ապրում էր Արցախում, որտեղ էլ տեղի է ունեցել դեպքը:
Քոչինյանը տեղեկացրեց, որ Գրիգորյանը երեկ երեկոյան, երբ ստացել է հոր մահվան լուրը, մեկնել է Արցախ:
Հայկական ԶԼՄ-ները հայտնում են, որ հոկտեմբերի 2-ին, երեկոյան ժամը 19:00-ի սահմաններում Գրիգորյանի հայրը տնից դուրս է եկել, իսկ արդեն 22:00-ի սահմանում տան անդամները գտել են նրա դին՝ բակի ծառից կախված:
Sputnik Արմենիան փորձում է տեղեկություն ստանալ Արցախի ոստիկանությունից։