04:29 14 օգոստոսի 2020
Ուղիղ եթեր
  • USD485.17
  • GBP634.70
  • EUR574.15
  • RUB6.60
Հայաստան
Ստանալ կարճ հղումը
«Ապրել միասին». Ֆրանկոֆոնիան Հայաստանում (77)
289 0 0

ՀՀԿ-ի և «Ելքի» վիճաբանությունից հետո ԱԺ արտահերթ նիստում առաջին ընթերցմամբ կառավարության ներկայացրած նախագիծը։ Քննարկումները դեռ շարունակվում են:

ԵՐԵՎԱՆ, 5 հոկտեմբերի — Sputnik. Թող տպավորություն չստեղծվի, թե Ֆրանկոֆոնիայի գագաթնաժողովի կազմակերպչական աշխատանքները նոր կառավարությունը զրոյական կետից է սկսում: Այսօր ԱԺ-ում հայտարարեց ՀՀԿ խմբակցության պատգամավոր Մարգարիտ Եսայանը` վստահեցնելով, որ բազմաթիվ պաշտոնյաներ իրենց ջանքերն են ներդրել:

«Հարգելի կառավարություն, խնդրում եմ տպավորություն չստեղծեք, թե դուք զրոյից ինչ-որ բան եք ստեղծում: Ձեզ պատրաստի մատուցած է այս կազմակերպության լիստը»,- ասաց Եսայանը:

«Ելք» խմբակցության պատգամավոր Սասուն Միքայելյանին դուր չեկավ գործընկերոջ այս դիտարկումը:

«Շնորհակալ ենք էսքան արածի համար»,- տեղից բարկացած արձագանքեց նա:

«Քիչ խոսիր»,- իր հերթին ասաց ելույթն ավարտած Մարգարիտ Եսայանը:

«Ի՞նչ եմ ասում, ասում եմ` շնորհակալ ենք, որ էսքան բան եք արել»,-պատասխանեց Միքայելյանը:

ԱԺ նախագահ Արա Բալոյանն ընդհատեց այս երկխոսությունն ու շարունակեց նիստը` քվեարկության դնելով օրակարգում ընդգրկված միակ հարցը` «ՀՀ տոների և հիշատակի օրերի մասին» օրենքում փոփոխություններ անելու մասին նախագիծը: Նախագիծն առաջին ընթերցմամբ ընդունվեց: Իսկ երկրորդ ընթերցումը նշանակվեց այսօր 18:00-ին: Նախագծով առաջարկվում է կառավարությանն իրավունք վերապահել աշխատանքային օրերի տեղափոխման վերաբերյալ որոշում կայացնել «բացառիկ նշանակության իրադարձությունների կապակցությամբ»:

Օրենքի փոփոխությունը կառավարությանը հնարավորություն կտա ոչ աշխատանքային սահմանել Ֆրանկոֆոնիայի գագաթնաժողովի առավել հագեցած 2 օրերը` հոկտեմբերի 11-12-ը:

թեմա:
«Ապրել միասին». Ֆրանկոֆոնիան Հայաստանում (77)

Ըստ թեմայի

Բոլորին կտեղավորեն, բայց ինչպե՞ս. պատրաստ են արդյո՞ք Երևանի հյուրանոցները Ֆրանկոֆոնիային
Հայաստանյան իրադարձություններն ինչպե՞ս կանդրադառնան Ֆրանկոֆոնիայի գագաթնաժողովի վրա
Հայ ոստիկանները ֆրանկոֆոնիայի շրջանակում ֆրանսերեն կխոսեն
Փաշինյանի «բոնժուղը» հիացրեց Ֆրանկոֆոնիայի հյուրերին
թեգերը:
Հայաստան

Գլխավոր թեմաներ