01:05 20 հոկտեմբերի 2019
Ուղիղ եթեր
  • USD476.34
  • GBP614.19
  • EUR530.17
  • RUB7.45
«Զվարթնոց» օդանավակայան

Հայաստանի քաղաքացիների միգրացիայի տեմպերը նվազել են. ծառայության պետի նոր տվյալները

© Sputnik / Aram Nersesyan
Հայաստան
Ստանալ կարճ հղումը
145 0 0

Հայաստանի միգրացիոն ծառայության ղեկավարն ամփոփել է իր աշխատանքի 100 օրվա արդյունքները։

ԵՐԵՎԱՆ, 9 հոկտեմբերի — Sputnik. Միգրացիոն ոլորտում դրական դինամիկա է նկատվում, ինչը կապված է Հայաստանում տեղի ունեցած փոփոխությունների հետ։ Այս մասին այսօր մամուլի ասուլիսի ժամանակ ասաց Պետական միգրացիոն ծառայության պետ Արմեն Ղազարյանը։

«Վիճակագրության համաձայն` այս տարվա առաջին կիսամյակի ընթացքում միգրացիոն սալդոն կազմել է մինուս 5204, 2017 թվականի նույն ժամանակաշրջանում մինուս 30853 փոխարեն։ Ցուցանիշը շարունակում է  բացասական մնալ, սակայն տեմպերը նվազել են, դա արդեն լավ է», – նշեց Ղազարյանը։

Նա հայտնեց, որ նշված ժամանակաշրջանում 796 հայաստանցի դիմել են եվրոպական երկրներ` ապաստան տրամադրելու խնդրանքով, ևս 1529–ը այլ պետություններին են նման խնդրանքով դիմել։ Միգրացիոն ծառայությունը պետք է հաստատեր նրանց քաղաքացիությունը։ 44-ի դեպքում մեր իշխանությունները չեն կարողացել հաստատել, որ նրանք հանրապետության քաղաքացիներ են։

Ընդհանուր առմամբ, Եվրոպայում քաղաքացիության հարցում անող ՀՀ քաղաքացիների թիվը կրճատվել է։ Այսպես, հղում անելով Եվրամիության վիճակագրական ծառայության տվյալներին, Ղազարյանը հայտնեց, որ այս տարվա առաջին կիսամյակում Հայաստանի  քաղաքացիները 2490  հայտ են ներկայացրել 28 եվրոպական երկրներում, նաև Իսլանդիայում, Լիխտենշտեյնում, Նորվեգիայում ու Շվեյցարիայում ապաստան ստանալու համար։ Մինչդեռ նախորդ տարվա նույն ժամանակաշրջանում այդ թիվը կազմել էր 3270։

Միգրացիոն ծառայության պետը նշեց, որ վերջին երեք ամսվա ընթացքում 145 մարդ 84 հայտ է ներկայացրել Հայաստանի կառավարությանը` փախստականի կարգավիճակ տրամադրելու համար։ Իշխանությունները բավարարել են 67 մարդու 36 հայտը ու մերժել են 24 մարդու 18 հայտը։ Դիմում էին հիմնականում Սիրիայի, Իրաքի ու Եմենի քաղաքացիները։

 

 

Ըստ թեմայի

Ո՛չ միգրանտներին. բողոքում են փախստականների դեմ
Դեր Զորի փախստականների ճամբարում որոտած պայթյունն մոտ 100 մարդու մահվան պատճառ է դարձել
Մոտ 3 տասնյակ տարի փախստականի կարգավիճակում՝ առանց տարրական պայմանների
Լիբիայի ափերի մոտ հինգ օրում շուրջ 100 փախստականի մարմիններ են գտել
Ալավերդյան. «Փախստականների ժառանգները ո՛չ սոցիալական, ո՛չ խոցելի խմբի կարգավիճակ չունեն»
Բորդյուժա. ՀԱՊԿ երկրները պետք է պատրաստ լինեն Եվրոպայի փախստականների հոսքին
թեգերը:
Հայաստան

Գլխավոր թեմաներ