ԵՐԵՎԱՆ, 10 հոկտեմբերի — Sputnik. Հայաստանյան մի քանի գյուղերում կառավարության որոշմամբ կկազմակերպվեն համայնքի ղեկավարների արտահերթ ընտրություններ։ Այս մասին որոշումներն այսօր ընդունվեցին ՀՀ կառավարության նիստում։
Խոսքը Կոտայքի մարզի Նոր Գեղի, Գեղարքունիքի մարզի Ակունք, Արարատի մարզի Արևաբույր և Վայոց ձորի մարզի Մալիշկա գյուղերի մասին է։
Բոլոր այս համայնքների ղեկավարները հրաժարական են ներկայացրել Հայաստանում իրականացված թավշյա հեղափոխությունից հետո` գյուղացիների բարձրացրած բողոքների արդյունքում։
Նոր գյուղապետերի ընտրությունները նշանակվել են 2019 թվականի փետրվարի 17-ին։
