02:44 21 հոկտեմբերի 2018
Ուղիղ եթեր
  • USD483.80
  • GBP630.39
  • EUR554.58
  • RUB7.37
Պավել Մանուկյան

«Սասնա ծռեր» խմբի անդամ Պավել Մանուկյանը կազատվի կալանքից

PHOTOLURE/Vahram Baghdasaryan
Հայաստան
Ստանալ կարճ հղումը
14010

«Սասնա ծռեր» խմբի անդամները դատական նիստում հուզվել են մարտական ընկերոջ մահվան մասին խոսելիս։

ԵՐԵՎԱՆ, 10 հոկտեմբերի — Sputnik. Երևանի ընդհանուր իրավասության դատարանն այսօր որոշում կայացրեց բավարարել «Սասնա ծռեր» խմբի անդամ Պավել Մանուկյանի պաշտպան Ինեսա Պետրոսյանի միջնորդությունը` Մանուկյանի նկատմամբ ընտրված խափանման միջոց կալանավորումը գրավով փոխարինելու մասին։ Գրավի չափ է սահմանվել 1 մլն դրամը։

Որոշման համաձայն` դատարանի դեպոզիտ հաշվին 1 մլն դրամ վճարելուց հետո Մանուկյանն ազատ կարձակվի։

Մինչ այդ, դատական նիստի ընթացքում, «Սասնա ծռեր» խմբի անդամ Պավել Մանուկյանն ու Արմեն Բիլյանը դատարանում հայտարարեցին հացադուլը դադարեցնելու իրենց որոշման մասին, իսկ Պավել Մանուկյանը խոսեց կրտսեր զինակից ընկերոջ` Արայիկ Խանդոյանի անժամանակ մահվան մասին` նշելով, որ դա չափազանց մեծ կորուստ է իրենց համար։

Պավել Մանուկյանը հուզմունքից դժվարանում էր խոսել։ Հուզված էր նաև նրա փաստաբան Ինեսա Պետրոսյանը, ով պարբերաբար սրբում էր արցունքները։

«Երկնակամարը մի փայլուն աստղ կորցրեց, արդարության մի մարտիկ։ Նա կյանքի 47 տարուց 30-ն անցկացրեց զենքը ձեռքին` սեփական ազգի համար պայքարելով»,- ասաց Մանուկյանը:

Արմեն Բիլյանը ևս հայտարարեց, որ Խանդոյանի մահը անսպասելի ցավ էր, ինչի հետևանքով ինքը ևս որոշել է դադարեցնել մեկ շաբաթյա հացադուլը:

Հիշեցնենք` հոկտեմբեր 9–ի լույս 10–ի գիշերը մահացել է ազատամարտիկ, ՊՊԾ գնդի գրավման գործով ամբաստանյալ Արայիկ Խանդոյանը, ով հայտնի էր «Միայնակ Գայլ» անունով։ Նախնական վարկածով՝ Խանդոյանը մահացել է սրտի կաթվածից։

Մինչ այդ` սեպտեմբերի 19–ին, հերթական դատական նիստից առաջ վատացել էր Արայիկ Խանդոյանի ինքնազգացողությունը։ Նրա պաշտպան Արա Ղարագյոզյանը դատարան էր ներկայացրել Խանդոյանի առողջական վիճակի վերաբերյալ բժշկական փաստաթղթեր՝ միջնորդելով հետաձգել դատական նիստը։ Նիստից հետո Խանդոյանը տեղափոխվել էր «Էրեբունի» ԲԿ։

«Սասնա ծռեր» խմբի 10 անդամների գործով ներկայում կալանքի տակ են մնում միայն Արմեն Բիլյանն ու Սմբատ Բարսեղյանը։

Ըստ թեմայի

Բացահայտվել են ՊՊԾ գնդի գրավման ժամանակ ոստիկանների սպանությունները կատարած անձինք
ՊՊԾ գնդի գրավման մասին զեկույցը դատապարտում է ոստիկանության գործողությունները
Անդրիաս Ղուկասյանի մասով ՊՊԾ գործի նախաքննությունն ավարտվել
ՊՊԾ գնդում զոհված ենթասպայի կինը սպայական ուսադիրներ ստացավ Օսիպյանից. տեսանյութ
ՊՊԾ-ի գրավումից մեկ տարի անց. «Սասնա ծռերը» դատարանում
Փաշինյանն ընդունեց ՊՊԾ գնդի գրավման ժամանակ զոհված ոստիկանների ընտանիքների անդամներին
Իշխանությունը վախենում է ՊՊԾ-ի գրավման տիպի փորձերից. «Հրապարակ»

Գլխավոր թեմաներ